संपादक: मोइन सय्यद/प्रतिनिधी: अवधुत सावंत
ठाणे येथे रेमडेसिवीर इंजेक्शनचा काळाबाजार करणाऱ्या दोन जणांना ठाण्याच्या खंडणी विरोधी पथक गुन्हे शाखेने अटक केली आहे.
याबाबत मिळालेले वृत्त असे आहे कि, ठाणे शहरात काही इसम अधिक किंमतीने रेमडेसिवीर हे इंजेक्शन काळ्या बाजाराने विक्री करण्यासाठी येणार असल्याची माहिती खंडणी विरोधी पथकास मिळाली होती.
सदर मिळालेल्या माहितीवरून पोलिसांनी ठाण्यातील तीन हात नाका, इटर्निटी सर्व्हिस रोड येथे सापळा रचून एका इसमास रेमडेसिवीर इंजेक्शन हे बाजार मूल्यापेक्षा जास्त किंमतीने अनुक्रमे ५ ते १० हजार रु. किंमतीने बेकायदेशीररीत्या विक्री करत असताना १६ इंजेक्शनसह ताब्यात घेतले. तसेच त्याच्याकडून मिळालेल्या माहितीच्या आधारे दुसऱ्या इसमास ठाण्यातील बाळकूम नाका येथून ५ इंजेक्शनसह पकडले.
त्यांच्याकडून एकूण २१ रेमडॅक, रेमडेसिवीर इंजेक्शन, मोबाईल फोन अशा वस्तू जप्त करण्यात आल्या आहेत.
सदर प्रकरणी वागळे इस्टेट पोलीस ठाण्यात गुन्हा दाखल करण्यात आला असून पोलीस पुढील तपास करीत आहेत.