संपादक: मोइन सय्यद / प्रतिनिधी: अवधुत सावंत (डोंबिवली)
वाढत्या महाभयंकर कोरोनाचा प्रादुर्भाव रोखण्यासाठी राज्यसरकारने १५ एप्रिल ते ३१ एप्रिल पर्यत लॉकडाऊन जाहीर केले आहे. लॉकडाऊनच्या नियमाचे पालन न करणाऱ्यांवर पालिका आणि पोलिसांना सक्त कारवाईचे आदेश देण्यात आला आहे. डोंबिवलीतील मानपाडा पोलिसांनी लॉकडाऊनच्या नियमाचे उल्लंघन करणाऱ्या दुकानदारांवर कडक कारवाई करत दंडात्मक कारवाई केली आहे.
मानपाडा पोलिसांनी गेल्या चार दिवसात डोंबिवली पूर्वेकडील टाटा पॉवर, खोणी नाका, लोढा जंकशन, लोढा पालावा या ठिकाणी २२९ जणांवर कारवाई करत त्यात काही दुकानात विनामास्क, सॅनेटाईजर, आरटीपीसीआर तपसणी न करणे या नियमाचे पालन न केल्याने दंडात्मक कारवाई करण्यात आली. कल्याण परिमंडल-३ चे अतिरिक्त पोलीस आयुक्त श्री.दत्ता कराळे, पोलीस उपायुक्त श्री.विवेक पानसरे, सहाय्यक पोलीस आयुक्त श्री. जयराम मोरे, मानपाडा पोलीस ठाण्याचे वपोनि श्री.दादाहरी चौरे यांच्या मार्गदर्शनाखाली पोलीस निरीक्षक (गुन्हे) बाळासाहेब पवार, पो.कॉ. मंदार यादव, पो.ह. संतोष चौधरी आणि कर्मचारी यांनी सदरची कारवाई यशस्वी रित्या केली. या कारवाईत एकूण १ लाख १४ हजार ५०० रुपये दंड वसूल करण्यात आली आहे. दरम्यान कोरोनावर मात करण्यासाठी सरकार आणि प्रशासकीय यंत्रणा सज्ज राहून काम करत आहे.
नागरिकांनी आपल्या जबाबदारीनुसार गर्दी टाळावी, विनाकारण घराबाहेर पडू नये, मास्क परिधान करणे, हात न मिळवता भारतीय संस्कृतीनुसार हात जोडावे, दोघांमध्ये कमीत कमी ३ फुटाचे अंतर ठेवावे, दुकानदारांनीही स्वतःचा आणि समाजाचा विचार करून सरकारच्या नियमांचे पालन केले पाहिजे असे मार्गदर्शनपर आवाहन पोलीस निरीक्षक (गुन्हे) बाळासाहेब पवार यांनी केले आहे.