संपादक: मोईन सय्यद / प्रतिनिधी: अवधुत सावंत
डोंबिवलीतील मानपाडा पोलीस ठाण्यात घरफोडी चोरी चा गु.रजि.नं ४३५/२१ भादंवि कलम ४५७,३८० प्रमाणे दि.१८.०८.२१ रोजी गुन्हा दाखल झाला आहे.
प्रस्तुत गुन्ह्याच्या कल्याण गुन्हे शाखा, घटक-३ कडून समांतर तपास सुरू असताना गुन्हे शाखा घटक-३ कल्याणचे पोलीस अधिकारी व अंमलदार यांनी गुप्त बातमीदारा मार्फत संशयित आरोपीची खात्रीशीर माहिती काढून संशयित आरोपीची अत्यंत गोपनीय रित्या ओळख पटवून त्याचा शोध घेऊन त्याचे नाव तमन उर्फ नरेंद्र बाबू भंडारी वय १९ वर्षे रा. रूम नं.१, गायकवाड चाळ क्र.३, गणपती मंदिरा जवळ , टिटवाळा पूर्व असे असल्याचे निष्पन्न करून त्याचा वेळेतच शोध घेऊन तो मिळून आल्याने त्यास ताब्यात घेऊन त्याच्याकडे गुन्ह्याच्या अनुषंगाने सखोल तपास करून त्याच्याकडे वरील नमूद गुन्ह्यातील मुद्देमाल मिळून आला आहे, त्याच्याकडे एकूण ३८,०००/- रु. किंमतीचे विविध कंपनीचे एकूण ६ मोबाईल फोन हस्तगत करण्यात आले आहे.
प्रस्तुत गुन्ह्यातील आरोपी याने विविध ठिकाणी घरफोडी चोरी केली आल्याचे निष्पन्न झाले आहे. नमूद आरोपीच्या गुन्हा अभिलेखाची पडताळणी केली असता त्याच्यावर कल्याण रेल्वे पोलीस ठाणे गु.रजि.नं १२८/२१ भादंवि कलम ३७९ प्रमाणे गुन्हा दाखल आहे. त्यास गुन्ह्याच्या पुढील तपासकामी मिळून आलेल्या मुद्देमालासह मानपाडा पोलीस ठाणे येथे हजर करण्यात आले आहे.
प्रस्तुत गुन्ह्याच्या तपासाची कामगिरी मा.वरिष्ठांच्या मार्गदर्शनाखाली गुन्हे शाखा घटक-३, कल्याणचे पोलीस निरीक्षक श्री. विलास पाटील, सपोनि भूषण एम.दायमा, पोउनि मोहन कळमकर, सपोउनि साळुंखे, विलास मालशेटे, पोहवा दत्ताराम भोसले, सचिन साळवी, राजेंद्र खिलारे, मंगेश शिर्के, सुरेश निकुळे, प्रकाश पाटील, हरिश्चंद्र बांगारा, पोशि अजितसिंग राजपूत, सचिन वानखेडे, मिथुन राठोड, गुरुनाथ जरग, गोरक्ष शेकडे, राहुल ईशी यांनी यशस्वीरित्या केलेली आहे.