संपादक: मोईन सय्यद / प्रतिनिधी: अवधुत सावंत
लॉकडाऊन असताना देखील कल्याण डोंबिवली महापालिका क्षेत्रात अनधिकृत बांधकामे छुप्या मार्गाने सुरू होतीच आणि आता तर राज्य सरकारने निर्बंध शिथिल केल्यानंतर तर अनधिकृत बांधकामांना ऊत आला आहे. त्यामुळे महापालिका आयुक्त डॉ.विजय सूर्यवंशी यांनी अनधिकृत बांधकामे निष्कशीत करून जमीनदोस्त करण्याचे कडक निर्देश देऊन सुद्धा कल्याण डोंबिवलीच्या क्षेत्रात असंख्य अनधिकृत बांधकामे सुरू असून पालिकेकडून अशी अनधिकृत बांधकामे निष्कशीत करण्याची तोडू कारवाई ही थातुरमातुर होत असून ज्या बांधकामांवर मोठा ताफा घेऊन तोडू कारवाई केली जाते तिथेच महिन्या दोन महिन्यातच पुन्हा अनधिकृत बांधकामे होताना दिसत असून ह्या इमारती पुन्हा कोणाच्या वरदहस्ताने उभ्या राहतात हा प्रश्न डोंबिवलीकर नागरिकांना पडत आहे.
उदाहरण द्यायचंच झालं तर डोंबिवली पूर्वेकडील “ग” प्रभागक्षेत्रातील दत्तनगर चौकात काही महिन्यांपूर्वी एका बांधकामावर त्या “ग” प्रभाग क्षेत्र अधीकारी यांनी पोलीसांचा मोठा फौजफाटा घेऊन तेथील अनधिकृत बांधकाम पूर्णतः निष्कशीत करून जमीनदोस्त केले होते व त्या जागेत बांधकाम करण्यास मनाई करण्यात आलेली असताना त्या इमारतीचे बांधकाम खुलेआम पडदे लावून दिवसाढवळ्या राजरोसपणे सुरू असून त्यास महापालिकेने परवानगी दिली आहे का हा प्रश्न तेथील नागरिकांच्या मनात उपस्थित झाला आहे. विशेष म्हणजे ह्या प्रभागाचे नगरसेवक हे शिवसेनेचे डोंबिवली शहरप्रमुख असून त्यांनी त्या चौकात सर्वात उंच तिरंगा फडकावला आहे आणि त्यांना त्यांच्या प्रभागात सुरू असलेली अनधिकृत बांधकामे दिसत नाहीत का अशी कुजबुज ऐकायला मिळत आहे.
नुकतेच प्रसिद्धीमाध्यमांसमोर आलेले एक अनधिकृत बांधकामाचे प्रकरण असे की आयरे गाव येथील सर्वे नं ११ हिस्सा नं अ/३ आणि सर्वे नं ११ ब/३ ह्या जागेचे मालक वेगळा असून त्यावर जागा मालकाशी कोणताही कायदेशीर आर्थिक व्यवहार न करता अतिक्रमण करून सदर जागेवर सात माळ्यांचा टॉवर बांधायचे काम सुरू केले होते पण जागा मालकाने आयुक्त, उपयुक्त, नगररचनाकार, प्रभागक्षेत्र अधिकारी यांना पत्रव्यवहार करून कायदेशीर रित्या महापालिकेने अतिक्रमण करणाऱ्यांवर काम थांबवण्याची नोटीस बजावली खरी पण तेथेही छुप्या मार्गाने काम सुरू असल्याचे पालिका आयुक्त डॉ. विजय सूर्यवंशी यांनी कळविले असता त्यांनी या प्रकरणात स्वतः लक्ष घालून कायदेशीर कारवाई करण्याचे आश्वासन दिले खरे पण प्रश्न जितल्या तिथे अजूनही तसाच उपस्थित राहतो की अतिक्रमण करून अनधिकृत रित्या उघडउघड बांधकाम करणाऱ्या भूमाफीयांच्या डोक्यावर वरदहस्त नक्की कोणाचा आहे पालिका प्रशासन, प्रभागक्षेत्र अधिकारी का लोकप्रतिनिधी याचं उत्तर डोंबिवलीकर आता विचारत आहे.
तसेच “ग” व “फ” प्रभाग क्षेत्र उपयुक्त (अनधिकृत बांधकाम) यांच्याशी दूरध्वनी वरून संपर्क साधला असता ते म्हणाले की सदर प्रभागक्षेत्र अधिकारी यांना योग्य ती कारवाई करण्यसाठी सांगण्यात आले आहे व ते करतील असे संपर्क साधला असता प्रसिद्धीमाध्यमांना सांगण्यात आले.