संपादक: मोईन सय्यद / प्रतिनिधी: अवधुत सावंत

कल्याण-डोंबिवली महापालिका हद्दीत आज कोरोनाचा एकही रुग्ण आढळून आला नाही. कोरोना रुग्णांची संख्या शून्य आढळून आल्याने शिवसेनेकडून आयुक्तांचे अभिनंदन करण्यात आले आहे. त्यांच्या पाठीवर कौतूकाची थाप दिली आहे.
शिवसेना डोंबिवली शहर प्रमुख राजेश मोरे, उप जिल्हा प्रमुख राजेश कदम, विधानसभा संघटक तात्या माने, अमोल पाटील, संजय मोरे यांनी आज आयुक्त डॉ. विजय सूर्यवंशी यांची त्यांच्या कार्यालयीन दालनात जाऊन भेट घेतली. रुग्ण संख्या शून्य आढळून आल्याने आयुक्तांचे कौतूक केले. त्यांचा शाल पुष्पगुच्छ देऊन सत्कार करण्यात आला. तेव्हा आयुक्तांच्या चेहऱ्यावर हास्य फुलले.

कोरोना संकट काळात चांगली कामगिरी केल्याबद्दल केंद्राकडून महापालिकेस ‘इन्व्होशन अॅवार्ड’ देऊन गौरविण्यात आले होते. ही किमया देखील आयुक्तांच्या नेतृत्वाखाली कोरोना रोखण्यासाठी केलेल्या प्रयत्नांचेच फलीत होते. त्यानंतर आज पुन्हा रुग्ण संख्या शून्य आढळून आल्याने त्यांच्या पाठीवर शिवसेनेकडून कौतूकाची थाप देण्यात आली आहे. ठाणे जिल्हा पालकमंत्री नामदार एकनाथ शिंदे आणि कल्याण लोकसभेचे खासदार डॉक्टर श्रीकांत शिंदे यांनी कोरोना काळात कल्याण डोंबिवली महानगरपालिके कडे दिलेले विशेष लक्ष यामुळे आजचा दिवस बघायला मिळतो आहे, कोरोना मुक्तीचे हे दिवस असेच टिकून राहो व नागरिकांचे जीवन भयमुक्त असे पूर्ववत होवो अशी सदिच्छा यावेळेला शिवसेना डोंबिवली शहरप्रमुख राजेश मोरे यांनी व्यक्त केली.