संपादक: मोईन सय्यद / प्रतिनिधी: अवधुत सावंत

विठ्ठलवाडी येथील कोळसेवाडी पोलीस स्टेशन मधील गेले ३७ वर्ष पोलीस खात्यात अविरत कार्यरत असलेले पोलीस उपनिरीक्षक सुधाकर कदम हे दि.३१ मार्च २०२२ रोजी सेवानिवृत्त झाले. त्या निमित्ताने कोळशेवाडी पोलीस ठाण्याचे वरिष्ठ पोलीस निरीक्षक मा. बशीर शेख यांनी त्यांना त्यांच्या पोलीस खात्यातील उत्कृष्ट सेवा बजावल्या बद्दल शाल, श्रीफळ व पुष्पगुच्छ देऊन मोठ्या दिमाखात त्यांचा जाहीररीत्या सत्कार केला.

त्यांच्या ३७ वर्षे पोलीस खात्याच्या उत्कृष्ठ सेवेबद्दल कोळशेवाडी पोलीस स्टेशनच्या वतीने त्यांचे सहकारी उपनिरीक्षक पवार आणि सहाय्यक पोलीस निरीक्षक बोचरे यांनी सुधाकर कदम यांच्या कार्याची स्तुति करत त्यांचे कौतुक केले व पोलीस स्टेशन च्या त्यांच्या इतर सहकार्‍यांनी कृतज्ञता व्यक्त केली व सर्वांनी त्यांना पुढील निरोगी दीर्घायुष्याच्या शुभेच्छा दिल्या.

पोलीस खात्यात भरती झाल्यापासून सुधाकर कदम यांनी मिळवलेली उपलब्धी व थोडक्यात कारकीर्द व ठळक वैशिष्ठ्ये :

• सुधाकर कदम यांची पोलीस भरती दिनांक १ / ११ / १९८५ रोजी झाली.
• ते एक उत्कृस्ट फुटबॉलपटू व फुटबॉल प्रशिक्षक आहेत.
• महाराष्ट्र पोलीस टिम मध्ये ते सलग ५ वर्ष फुटबॉल खेळले.
• सन १९९५ खंडणी विरोधी पथकात काम करुन मंचेकर टोळीचा व अरूण गवळी टोळीचा त्यांनी बिमोड केला.
• सन २००६ – २००७ मध्ये डोंबिवलीच्या ‘पेंढारकर कॉलेज’च्या मुला-मुलींना फुटबॉल चे मोफत प्रशिक्षण दिले.
• प्रथमच डोंबिवलीतील ‘महिलांची फुटबॉल टिम’ तयार करण्याचे भाग्य त्यांना प्राप्त झाले.
• त्यामधीलं १९ वयो गटातील ३ मुलींचे नॅशनल फुटबॉल टिम मध्ये निवड झाली.
• त्यानंतर आजतागायत डोंबिवलीतील गरीब होतकरू मुलांना एकत्र करून ‘ऑलफ्रेन्ड्स’ नांवाचा फुटबॉल क्लब मोफत सुरू केला व आजही कार्यरत आहे.
• सन २०१३ मध्ये विभागीय PSI परिक्षा पास होवून अंबिवली येथील मोहना सारख्या संवेदनशील ठिकाणी २ वर्ष इन्चार्ज म्हणूण काम करीत असतांना ४ वर्ष ठाणे भिवंडी कल्याण ईत्यादी पो.स्टे च्या मोका केस मध्ये फरारी असलेल्या अट्टल आरोपी गुलाम इराणी या कुख्यात गुंडास अटक केली व सध्या तो आजही आधारवाडी कारागृहात बंदीस्त आहे.
• पुर परिस्थिती उद्भवलेली असताना त्यांनी जनतेची नि:स्वार्थ सेवा केली.
• कोरोना सारख्या भीषण महामारीच्या कालावधीत सुद्धा रजा न उपभोगता अखंडीत सेवा बजावली
• मुंबई जेल कैदी पार्टी मध्ये मगरुर आरोपीने पोलीसावर थुंकून बिभत्स वर्तन केले ती क्लिप सोशल मीडिया वर वायरल झाली होती त्यावर गुन्हा दाखल करण्यात त्यांचा मोलाचा वाटा होता कारण कैदी पार्टीचे ते इंन्चार्ज होते.
• आजही शाळेतील मुलांनी त्यांना सेवा निवृत्ती नंतर फुटबॉल शिकविण्याची विनंती केली असून लवकरच मुलांच्या शालेय परिक्षा संपताच विजयनगर (कल्याण पूर्व) येथे मोफत फुटबॉल प्रशिक्षण ते सुरू करणार आहेत.

त्यांची लग्नानंतर ची थोडक्यात वैयक्तीक माहिती :

• त्यांनी त्यांच्या पत्नीस कल्याण येथील ‘बिर्ला कॉलेज’ मध्ये ऍडमिशन करून MA चे पदवियुत्तर शिक्षण दिले.
• त्यांना २ मुली असून त्यांची मोठी मुलगी BAMS वैध्यकीय पदवी घेऊन डॉक्टर झाली तर छोटी मुलगी MBBS पदवी करिता परदेशात शिक्षण घेत आहे.