संपादक: मोईन सय्यद / प्रतिनिधी: अवधुत सावंत
सातत्याने होत असलेली देशातील इंधन दरवाढ व महागाई विरोधात युवासेना प्रमुख मा.आदित्य ठाकरे यांच्या मार्गदर्शनाखाली व युवासेना सचिव मा. वरून सरदेसाई यांच्या नेतृत्वाखाली संपूर्ण राज्यभर केंद्र सरकार विरोधात थाळी बजाव आंदोलन करण्यात आले.
डोंबिवली युवासेने तर्फे बाजीप्रभू चौकात सदर आंदोलन करण्यात आले. सदर आंदोलनात युवासेना, शिवसेना, युवतीसेना, महिला आघाडी पदाधिकारी व सहकारी मोठ्या प्रमाणात सहभागी होऊन सर्वांनी थाळी वाजवून सामान्य नागरिकांचा आवाज केंद्र सरकार पर्यंत पोहोचवण्याचा प्रयत्न केला. सदर आंदोलनात वाचा थंड बसा, पेट्रोल डिझेल १०० के पार.. हेच का अच्छे दिन मोदी सरकार ?, बहुत होगई महंगाई की मार.. होश मे आओ मोदी सरकार, ना नीती, ना मेल.. बस मेहंगा पेट्रोल डिझेल!, देश संभाले संता-बंता.. बेहाल होगई सारी जनता! अशा घोषणा देण्यात आल्या.
युवासेना जिल्हा अधिकारी दिपेश म्हात्रे यांच्या नेतृत्वाखाली सदर आंदोलनात शिवसेना उपजिल्हा प्रमुख राजेश कदम, शिवसेना शहर प्रमुख राजेश मोरे, युवासेना डोंबिवली शहर अधिकारी सागर जेधे, युवासेना जिल्हा सचिव राहुल म्हात्रे, युवासेना उपजिल्हा अधिकारी आशु सिंह, युवासेना डोंबिवली विधानसभा अधिकारी सागर दुबे, नगरसेवक नितीन पाटील, प्रतिक राणे, युवतीसेना कल्याण लोकसभा अधिकारी लिना शिर्के, जिल्हा समन्वयक पुर्विका म्हात्रे, जिल्हा समन्वयक वैशाली मोंडकर,महिला आघाडी उपशहर संघटक शिल्पा मोरे व सर्व शिवसैनिक आदी उपस्थित होते.