संपादक: मोईन सय्यद / प्रतिनिधी: अवधुत सावंत
अवैधरित्या गुटखा वाहतूक करणाऱ्या दोन आरोपी यांच्यासह ईनोव्हा कार व गुटखा असा एकुण दहा लाख दहा हजार रुपयांचा मुद्देमाल मलकापुर येथे जप्त करण्यात आला. मलकापूर नॅशनल हायवे क्रं. सहा वरून धरणगाव कडून नांदुराकडे इनोव्हा कार मधून अवैधरित्या गुटख्याची तस्करी केली जात असल्याची माहिती शहर पोलीस निरीक्षक विजयसिंह राजपूत यांना मिळाल्यावरून डि.बि. पथकाचे सहाय्यक पोलीस निरीक्षक सुखदेव भोरकडे व डीबी पथकाला कारवाई संदर्भात सुचना दिल्याने एपीआय सुखदेव भोरकडे, पो.काॅ अनिल डागोर, ईश्वर वाघ, सलीम बर्डे, आसिफ शेख, संतोष कुमावत, प्रमोद राठोड सह डी.बी पथकाने सापळा रचून सिल्वर ग्रे रंगाची टोयाटो ईनोव्हा कार एमएच-४३ एक्स ९१९८ हीला थांबवुन विचारपूस केली असता त्यात महाराष्ट्र शासनाने प्रतिबंधित केलेला गुटखा व सुगंधित तंबाखू पांढरे पोत्यांमध्ये दिसून आली पोलीस स्टेशनला सदरची गाडी आणून महाराष्ट्र शासनाने प्रतिबंधित केलेला गुटका व सुगंधी तंबाखू किंमत ९० हजार रुपये, सिल्वर ग्रे रंगाची टोयाटो ईनोव्हा कार किंमत ९ लाख रुपये, दोन मोबाईल दहा हजार रुपये असा एकूण दहा लाख दहा हजार रुपयांचा मुद्देमाल पोलिसांनी जप्त केला .
कारमधील आरोपी शेख अजीम शेख फकीर मोहम्मद वय २० वर्ष रा. मदिना मस्जीद जवळ, बर्डे प्लॉट, खामगाव ता. खामगाव जि. बुलढाणा, शोयब रफिक गवळी वय १८ वर्षे रा. बर्डे प्लॉट खामगाव. ता. खामगाव जि. बुलढाणा या दोघांना अटक केली आहे. त्यांच्याविरुद्ध भादवी कलम ३२८,२७२,२७३,१८८ सह कलम १३०/१७७,१५८/१७७ मोवाका प्रमाणे गुन्हा दाखल केला आहे. पुढील तपास सपोनि सुखदेव भोरकडे करीत आहे.