संपादक: मोईन सय्यद / प्रतिनिधी: अवधुत सावंत

कला, साहित्य, विज्ञान, क्रीडा इत्यादी क्षेत्रातील नामवंत व्यक्तींची निवड राष्ट्रपती द्वारा राज्यसभेवर केली जाते. नुकतीच भाजपच्या राष्ट्रीय कार्यकारिणीची बैठक तेलंगणा राज्यातील हैदराबाद येथे पार पडली त्यावेळी चार नामवंत व्यक्तींची नावे सुचविण्यात आली होती. प्रसिद्ध धावपटू पी.टी उषा, संगितकार इलयाराजा, के.व्ही विजयेंद्र व विरेंद्र हेगडे यांचा नामनियुक्त व्यक्तींमध्ये समावेश आहे.

नामनियुक्त चारही व्यक्ती दक्षिण भारतीय असून पंतप्रधान मोदींनी त्यांचे अभिनंदन केले आहे. के.व्ही विजयेंद्र हे प्रसिद्ध पटकथाकार आहेत, तर इलयाराजा दक्षिण भारतीय संगित क्षेत्रातील दिग्गज संगितकार आहे. लवकरच या चारही नामवंताची राज्यसभेवर वर्णी लागणार असून नवीन राष्ट्रपती निवडीनंतर त्यांना राज्यसभेचे खासदार पद देण्यात येईल असे प्रसिद्धी माध्यमांना सांगण्यात आले.