संपादक: मोईन सय्यद / प्रतिनिधी: अवधुत सावंत
डोंबिवलीतील इंदिरा चौकात आज प्रचंड मोठ्या प्रमाणात महाविकास आघाडीतर्फे केबल व्यावसायिक प्रल्हाद पाटील यांच्या आत्महत्ये प्रकर्णी भाजपा पक्ष आरोपीला वाचवण्यासाठी हस्तक्षेप करत असल्यामुळे धरणे आंदोलन करण्यात आले.
या धरणे आंदोलनात महाविकास आघाडीतर्फे भाजपा डोंबिवली ग्रामीण चे उपाध्यक्ष संदिप माळी यांना आठ दिवसात अटक करून कारवाई करण्याची जोरदार मागणी करण्यात आली आहे आणि आठ दिवसात अटक न झाल्यास महाविकास आघाडीच्या सर्व नेत्यांतर्फे मोठ्या प्रमाणात जेलभरो आंदोलन व मंत्र्यांच्या घरासमोर धरणे आंदोलन करण्यात येईल असा इशाराही यावेळी देण्यात आला.
सदर आंदोलनात प्रमुख वक्ते माजीमंत्री जितेंद्र आव्हाड होते तसेच सदर आंदोलनात राष्ट्रवादी चे जिल्हाध्यक्ष आप्पासाहेब शिंदे, वंडार पाटील, राष्ट्रवादी चे प्रवक्ते महेश तपासे, उपाध्यक्ष प्रमोद हिंदुराव, नंदू धुळे , ऍड.ब्रम्हा माळी इत्यादी तर शिवसेनेचे जिल्हाप्रमुख प्रमुख सदानंद थरवळ, शहरप्रमुख विवेक खामकर, महिला आघाडीच्या वैशाली दरेकर, मंगला सुळे, ग्रामीण महिला संघटक कविता गांवड, काँग्रेस चे प्रदेश सचीव संतोष केणे आदि प्रमुख नेते सह आघाडीचे कार्यकर्ते उपस्थित होते.
विषेश म्हणजे आत्महयेपूर्वी मयत केबल चालक प्रल्हाद पाटील यांनी व्हिडिओ काढून आत्महत्या केली होती. तो व्हिडिओ भरपूर व्हायरलही झाला होता. त्यात त्यांनी मुख्यतः भाजपा ग्रामीण शहराचे उपाध्यक्ष संदिप माळी व इतरांची नावे घेतली आहेत, या धरणे आंदोलन मध्ये प्रल्हाद पाटील च्या पत्नी न्याय मागण्यासाठी उपस्थित राहून संदिप माळी व त्यांच्या साथीदारांना अटक करून कारवाई करून न्याय द्यावा अशी मागणी केली आहे.