संपादक: मोईन सय्यद / प्रतिनिधी: अवधुत सावंत

कै. शिवाजी शेलार यांच्या नावाने ओळखल्या जाणाऱ्या शेलार प्रभागाअंतर्गत रस्त्यांचे काँक्रीटीकरण पूर्ण होऊन सदर रस्ता नागरीकांसाठी शुक्रवार पासुन खुला करण्यात आला आहे. मा. सार्वजनिक बांधकाम मंत्री श्री. रविंद्र चव्हाण यांच्या निधीतून त्रिमूर्ती नगर सार्वजानिक शौचालाय ते शिवसेना शाखा या रस्त्याच्या काँक्रीटीकरणाच्या कामाचे उद्घाटन व शुभारंभ रविंद्र चव्हाण व इतर कार्यकर्ते व नागरिकांच्या उपस्थित पार पडला.

अनेक दिवसांपसून रखडला गेलेल्या शेलार प्रभागातील रस्त्यांच्या काँक्रीटीकरणासाठी रविंद्र चव्हाण यांच्या मदतीने निधी मंजुर करण्यात आला आहे. सर्व रस्ते काँक्रीटीकरणातून व आतील सर्व गल्ल्याबोळ पेवरब्लॉकिकरणातून तयार करण्यात येणार असल्याची महिती रविंद्र चव्हाण यांनी या वेळी बोलताना दिली. तसेच तेथील नागरीकांचेही यात मोलाचे सहकार्य मिळाल्याचेही त्यांनी यावेळी बोलताना सांगितले. शशिकांत कांबळे, साई शेलार, नीलेश म्हात्रे, राजु शेख व इतर कार्यकर्ते या लोकार्पण सोहळ्यास उपस्थितीत होते.