तुम्हीही ईपीएफओ खातेधारक असाल तर तुमच्यासाठी खूप आनंदाची बातमी आहे. ईएफआयएफओ खातेदारांच्या हितासाठी केंद्र सरकार सातत्याने पावले उचलत असून अनेक योजना चालवत आहे. नोकरदार आणि पगारी वर्गातील लोकांची आर्थिक स्थिती सुधारण्यासाठी आणि संकटाच्या काळात या योजना अतिशय उपयुक्त ठरतात. ईपीएफओचे सध्या देशभरात सहा कोटीहून अधिक ग्राहक आणि ७५ लाख पेन्शनर लाभार्थी आहेत. ईपीएफओ खातेधारकांसाठी कामगार मंत्रालय ईपीएस-९५ नावाची योजना चालवत आहे. या (ईपीएस) अंतर्गत खातेदारांना किमान महिन्याचे पेन्शन मिळते. ईपीएफओने ट्विट करून आपल्या खातेदारांना या योजनेची माहिती दिली आहे.

  पेन्शन संस्थेच्या म्हणण्यानुसार, ईपीएस-९५ योजनेत खातेदार तसेच त्यांच्या विधवा पुरुष किंवा महिला तसेच मुलांचा समावेश आहे. या योजनेअंतर्गत, जर एखाद्या खातेदाराचा नोकरीदरम्यान मृत्यू झाला तर त्याच्या जोडीदारास किमान १००० रुपये मासिक पेन्शन दिली जाते. पेन्शनर पेन्शनर असेल आणि त्याचा मृत्यू झाला तर त्याच्या जोडीदारालाही संरक्षण दिले जाते. याअंतर्गत पेन्शनधारकाला मिळणाऱ्या पेन्शनपैकी निम्मे म्हणजे ५० टक्के रक्कम विधवा स्त्री किंवा पुरुषाला दिली जाते.

  एवढेच नव्हे तर खातेदाराच्या मृत्यूवर खातेदाराच्या जोडीदाराला मिळणाऱ्या पेन्शनच्या २५ टक्के इतकी रक्कम दोन मुलांना मिळते. दोन्ही मुलांना वयाच्या २५ व्या वर्षापर्यंत २५-२५ टक्के इतकी समान रक्कम मिळते. या योजनेचे संपूर्ण नाव ‘कर्मचारी पेन्शन योजना-१९९५’ असे आहे. १९९५ मध्ये ही योजना सुरू झाल्यामुळे ईपीएफओ योजनेचे नाव ईपीएस-९५ ठेवण्यात आले होते.