प्रतिनिधी: अवधुत सावंत (ठाणे) : गेल्या १७ वर्षांपासून एका गुन्ह्यातील फरार असलेल्या आरोपीला गुन्हे शाखा कक्षाच्या काशिमीरा पोलिसांना त्याच्या मुसक्या आवळण्यात यश आले आहे.

याबाबत मिळालेले वृत्त असे आहे की, मिरारोड पूर्व येथे एका अनोळखी इसमानी दोन वॉचमनना चाकू व रिव्हॉल्व्हरचा धाक दाखवून शटरचे कुलूप तोडून दुकानातील लोखंडी तिजोरी तोडून सोन्याचे दागिने व रोख रक्कम असा ₹. २९,६३,४७८ किंमतीचा माल चोरून नेला असल्याबाबत मिरारोड पोलीस ठाण्यात गुन्हा दाखल झाला होता.

दरम्यान, सदर गुन्हयातील पाहिजे असलेला फरार आरोपी भिवंडी येथे येणार असल्याची माहिती गुन्हे शाखा युनिट काशिमीरा पोलीस यांना मिळाली, सदर मिळालेल्या माहितीवरून पोलिसांनी तपास करून सदर आरोपीस सापळा रचून अटक केली आहे व पुढील तपास सुरू आहे असे काशिमीरा पोलीस यांच्या कडून सांगण्यात आले आहे.

हा आरोपी तब्बल १७ वर्षांपासून फरार होता आणि पोलीस सतत अटक करण्याचा प्रयत्न करीत होते अखेर हा आरोपी पोलिसांच्या हाती लागला आहे.