संपादक: मोईन सय्यद / प्रतिनिधी: अवधुत सावंत
विरार मध्ये १३ रुग्णांचा आगीत होरपळून मृत्यू
कोरोनाच्या महाभयंकर संकटापासून वाचण्यासाठी जग आटोकाट प्रयत्न करत असताना आशेचा एकमेव किरण असणाऱ्या रुग्णालयांतच असे प्रकार घडू लागतात तेव्हा अतिदक्षता विभागच अतिधोकादायक सिद्ध होतोय.
घटना काल मध्यरात्रीनंतरची आहे. रात्री ०३:१३ वाजताच्या सुमारास तिरुपती नगर, बंजारा हॉटेलच्या मागे, विरार(प) येथे ‘विजय वल्लभ हॉस्पिटल’ मध्ये (तळ+४) दुसऱ्या मजल्यावरील अतिदक्षता विभागात आग लागली होती. घटनास्थळी विरार अग्निशमन दलाचे ३-फायर ब्रिगेड वाहन उपस्थित झाले. हि आग दलाच्या जवानांनी शर्थीचे प्रयत्न करून पहाटे ०५:२० वा. सुमारास विझवली आहे.
दुर्दैव म्हणजे सदर घटनेत १३ रुग्णांचा आगीमध्ये होरपळून मृत्यू झालाय तर ५ ते ६ रुग्णांना पुढील उपचारासाठी इतर हॉस्पिटल मध्ये दाखल करण्यात आलंय. याप्रकरणी मुख्यमंत्री उद्धव ठाकरे यांनी तीव्र दुःख व्यक्त केले असून उपचार घेत असलेल्या इतर रुग्णांना झळ पोहचू नये तसेच त्यांची लगेचच इतरत्र व्यवस्था करावी असे निर्देश दिले आहेत.
ही आग कशामुळे लागली याचा योग्य तो तपास करावा. हे खासगी रुग्णालय आहे, याठिकाणी अग्नी सुरक्षेची पुरेशी काळजी घेतली होती किंवा नाही हे पाहून तातडीने योग्य ती चौकशी करण्याचे निर्देशही त्यांनी प्रशासनाला दिले आहेत.
सदर घटनेत मृत झालेल्या व्यक्तीची माहिती पुढीलप्रमाणे:-
१) श्रीमती. उमा सुरेश कंगुटकर, (स्त्री/वय वर्ष ६३)
२) श्री. निलेश भोईर, (पु/वय वर्ष ३५)
३) श्री. पृथ्वीराज वल्लभदास वैष्णव, (पु/वय वर्ष ६८)
४) श्रीमती. रजनी कडू, (स्त्री/वय वर्ष ६०)
५) श्री. नरेंद्र शंकर शिंदे (पु/वय वर्ष ५८)
६) श्री. जनार्दन मोरेश्वर म्हात्रे (पु/वय वर्ष ६३)
७) श्री. कुमार किशोर दोशी (पु/वय वर्ष ४५)
८) श्री. रमेश उपयान (पु/वय वर्ष ५५)
९) श्री. प्रवीण शिवलाल गौडा (पु/वय वर्ष ६५)
१०) कु. अमेय राजेश राऊत (पु/वय वर्ष २३)
११) श्रीमती. शमा अरुण म्हात्रे (स्त्री/वय वर्ष ४८)
१२) श्रीमती. सुवर्णा पितळे (स्त्री/वय वर्ष ६४)
१३) श्रीमती. सुप्रिया देशमुख (स्त्री/वय वर्ष ४३)