प्रतिनिधी: अवधुत सावंत
नवी मुंबई येथे रेमडेसिवीर इंजेक्शन काळया बाजाराने विक्री करणाऱ्या एका महिलेस एपीएमसी पोलिसांनी अटक केली आहे.
याबाबत वृत्त असे आहे की, पोलिसांनी गुप्त बातमीदाराकडून मिळालेल्या माहितीवरून पामबीच रोड, वंडरवुड फर्निचर मॉल समोर फुटपाथवर, एपीएमसी सेक्टर २६, वाशी, नवी मुंबई येथे सापळा रचला असता सदर महिला रेमडेसिवीर इंजेक्शनचे २ नग हे बेकायदेशीररीत्या अवैध मार्गाने मिळवून कोणताही परवाना नसताना छापील किंमती पेक्षा जास्त दराने तसेच डॉक्टरचे प्रिस्क्रिप्शन व कोविड तपासणी अहवालाशिवाय अधिक किंमतीने बेकायदेशीररीत्या विक्री करत असताना मिळून आल्याने सदर महिलेविरुद्ध गुन्हा दाखल करून तिला नवी मुंबई पोलिसांनी अटक केली.
सदर महिलेकडून ४ रेमडेसिवीर इंजेक्शन जप्त करण्यात आले आहेत.