संपादक: मोईन सय्यद / प्रतिनिधी: अवधुत सावंत
मुंबई मध्ये लहान मुलंच बनवत आहेत कोरोना चाचणी साठी चे कोविड किट
मुंबई वॉर्ड क्रमांक ३९ च्या नगरसेवकांच्या हद्दीत एका ठिकाणी कोरोना चाचणी चे टेस्ट किट बनवण्याचे काम सुरु आहे. या ठिकाणी एका खोली मध्ये जमिनीवरच सर्व साहित्य मांडलेले असून कित्येक लहान लहान मुले जमिनीवर बसून हे साहित्य पॅक करत आहेत. ग्लोव्हज, मास्क किंवा इतर कोणती हि साधने या मुलांना पुरवण्यात आलेली नाहीत. यामुळे या मुलांनाच नाही तर हे किट वापरणाऱ्या रुग्णांना धोका उदभवू शकतो. एकीकडे कोरोना रुग्णसंख्या झपाट्याने वाढत असताना असे खळबळजनक प्रकार घडताना दिसत आहेत.
स्वच्छतेकडे लक्ष दिले जात नाही. त्यामुळे या महत्वाच्या उत्पादनाच्या व्यवस्थेवर प्रश्नचिन्ह उभं राहतोय असं एका सोशल मीडिया वर मुलं किट बनवत असल्याच्या व्हायरल व्हिडीओ मधून दिसून येत आहे.