संपादक: मोईन सय्यद / मुंबई, प्रतिनिधी
उपक्रमातंर्गत १०३० परिचारीकांच्या कार्याचा गौरव करित सन्मानित करण्यात आले
मिरारोड: वैद्यकीय क्षेत्रातील रुग्णसेवेत प्रमुख भूमिका बजावणाऱ्या परिचारिकांबद्दल कृतज्ञता व्यक्त करत जागतिक परिचारिका दिनानिमित्त वोक्हार्ट ग्रुप हॉस्पिटल्सच्या वतीने सुमारे १०३० परिचारीकांना सन्मानित केले. मीरा रोड तसेच इतर भागातील वोक्हार्ट हॉस्पिटलमध्ये अशा प्रकारचा उपक्रम राबवित परिचारीका दिन हा केवळ एका दिवसापुरता मर्यादीत न ठेवता आठवडाभर विविध उपक्रमांच्या माध्यमातून साजरा करण्यात आला. या वर्षीचा आंतरराष्ट्रीय परिचारीका दिन हा व्हॉईस टू लीड (नेतृत्वाचा आवाज) या संकल्पनेवर आधारीत होता. भविष्यातील आरोग्य सेवेसाठी एक दृष्टी ठेवत कोणत्याही परिस्थितीत अविरत रूग्ण सेवा करण्याचे वचन यावेळी देण्यात आले.
कोरोना सारख्या संकट काळातही अहोरात्र रुग्णसेवा पुरविणा-या ख-या अर्थाने कोव्हीड वॉरिअर्स ठरलेल्या परिचारीकांची भूमिक खरोखरच वाखण्याजोगी आहे. याच परिचारीकांच्या कार्याबाबत कृतज्ञता व्यक्त करण्यासाठी संपुर्ण आठवडाभर गायन स्पर्धा, सेल्फी काढणे, विविध कलागुण सादर करणे, नृत्याविष्कार आदी उपक्रमांचे आयोजन हॉस्पीटलच्या वतीने करण्यात आले होते. वाँक्खार्ट हॉस्पिटल सोबोच्या एलिझाबेथ जोसेफ यांची सर्व परिचारीकांच्या वतीने प्रतिज्ञा घेतली. तर वोक्हार्ट हॉस्पिटल्स लिमिटेडचे मॅनेजिंग डायरेक्टर तसेच क्लिनिकल डायरेक्टर डॉ क्लाईव्ह फर्नांडिस यांच्या नेतृत्वाखाली विविध उपक्रम यशस्वीरित्या राबविण्यात आले. या क्षेत्रात पाच वर्षाहून अधिक काळ सेवा पुरविणा-या परिचारीकांना सोन्याचे नाणे भेट देत विशेष सत्कार करण्यात आला.
वाँक्हार्ट हॉस्पिटल्सच्या व्यवस्थापकीय संचालक जहाबिया खोराकीवाला सांगतात हा दिवस साजरा करण्यामागील मुख्य उद्देश म्हणजे दिवसरात्र रुग्णसेवेकरिता कार्यरत असलेल्या परिचारींकाविषयी कृतज्ञता व्यक्त करणे होय. या महामारीच्या काळात संकटाशी लढणा-या रूग्णांना मानसिक आधार देणे, त्यांना आवश्यक त्या सोयी सुविधा पुरवित त्यांची काळजी घेणे, त्यांच्या सुरक्षिततेबाबत खात्री करून घेणे अशा अनेक प्रकारे परिचारीकां आपआपली भूमिका बजावित आहेत आणि यापुढेही बजावणार आहेत. या परिचारीकांना समाजात आदराचे स्थान मिळावे तसेच त्यांच्या कार्याचे कौतुक व्हावे, याकरिता अशाप्रकारचा उपक्रम राबविण्यात आला होता.
स्वतःच्या जीवाची पर्वा न करता अखंड रुग्णसेवा पुरविणा-या या परिचारीकांच्या कार्याला सलाम करत कोरोना सारख्या संकटाला लढा देण्याकरिता महत्त्वाची भूमिका बजाविणा-या या परिचारीकांचा आम्हाला खुप अभिमान वाटतो. रुग्ण सेवा करताना कसलाही भेदभाव न करता रुग्णांना अविरत सेवा पुरविणा-या परिचारीका या आरोग्यसेवेचा महत्त्वाचा भाग आहे असे प्रतिपादन डॉ. क्लाईव्ह फर्नांडिस, वाँक्हार्ट हॉस्पिटलमधील ग्रुप क्लिनिकल डायरेक्टर यांनी केले.