संपादक: मोईन सय्यद / प्रतिनिधी: अवधुत सावंत
दिनांक २८/०८/ २०२१ रोजी मुंबईतील एका फुटपाथवर राहणाऱ्या अल्पवयीन मुलीवर बलात्कार झाल्याबाबत खबर मिळाली त्या अनुषंगाने कुलाबा पोलीस ठाणे येथे गु.र.क्र. ३६९/ २०२१ कलम ३७६ भादवि सह कलम ४, ८ (पोक्सो कायदा) अन्वये त्यानी दिलेल्या तक्रारीं वरून गुन्हा नोंद करण्यात आला होता.
सदर गुन्ह्यातील आरोपीचे नांव व कोणताही ठावठीकाणा माहीत नसताना त्यास केवळ जुना फोटो व आसाम चा रहिवाशी असल्याच्या माहितीवरून सदर गुन्ह्याचे तपासी अधिकारी सुधाकर शितप व गुन्हे प्रकटीकरण अधिकारी पोलीस उपनिरीक्षक योगेश खरात व गुन्हे प्रकटीकरण पथक यांनी सदर गुन्ह्याच्या घटनास्थळी जाऊन मिळालेल्या माहितीनुसार व तांत्रिक पुराव्याच्या आधारे सदर आरोपींचा कसोशीने शोध घेऊन आरोपी रफिक-उल-इस्लाम अबुल कलाम आज़ाद उर्फ रोहित यास १२ तासांच्या आत मुंबई सोडून फरार होत असताना सापळा रचून चालत्या ट्रेन मधून ताब्यात घेऊन गुन्हा उघडकीस आणला व आरोपीस अटक केली.
सदर कामगिरीबद्दल कुलाबा पोलीस ठाण्याचे अधिकारी व अंमलदार यांनी केलेल्या प्रशंसनीय व उल्लेखनीय कामगिरीबद्दल दिनांक ०३/०९/२०२१ रोजी सकाळी ११:०० वा मा. श्री.विश्वास नांगरे पाटील, पोलीस सह आयुक्त (का.व.सु.) बृहनमुंबई यांनी त्यांच्या कार्यालयात विशेष पारितोषिक व प्रशस्तीपत्र देऊन गौरव केला आहे.