संपादक: मोईन सय्यद / प्रतिनिधी: अवधुत सावंत
राज्य उत्पादन शुल्क या विभागाचे आयुक्त सन्माननीय श्री. कांतीलाल उमाप तसेच संचालक सन्माननीय श्रीमती उषा वर्मा मॅडम राज्य उत्पादन शुल्क, औरंगाबाद या विभागाचे विभागीय उप-आयुक्त सन्माननीय श्री. प्रदीप पवार व अधीक्षक श्री. सुधाकर कदम यांच्या मार्गदर्शनाखाली राज्य उत्पादन शुल्क भरारी पथक, औरंगाबाद यांना मिळालेल्या खात्रीपूर्वक गुप्त बातमीनुसार पडेगाव ते मिटमीटा सरकारी रोडवरील शनिमंदिर समोर पडेगाव ता.जि.औरंगाबाद येथे निरीक्षक राज्य उत्पादन शुल्क, भरारी पथकाने छापा मारला असता सदर ठिकाणी एक मारुती सुझुकी कंपनीची इको चारचाकी वाहन क्रमांक एमएच २०, एएक्स-७२९५, व एक दुचाकी क्र. एमएच २०, एफएम-४१२९ मध्ये संपूर्ण प्रथमदर्शनी बनावट तयार केलेल्या विदेशी मध्य १८० मि.ली क्षमतेच्या एकूण १२०० सीलबंद बनावट बाटल्या (२५) बॉक्स चारचाकी व दुचाकी वाहनासह एकूण ८,६७,०००/- रुपयांचा मुद्देमाल मिळून आला.
दोन आरोपी नामे १) वैभव परशुराम खरात (वय:३२) धंदा-दारूविक्री रा. एन-४२, सी.सी-२, ३१/०६, त्रिमूर्ती चौक, सिडको ता.जि. नाशिक २) राहुल पांडुरंग वालझडे (वय:३५) धंदा-दारूविक्री रा. एन-४२, सी.सी-२, २८/०३, त्रिमूर्ती चौक, सिडको, ता.जि. नाशिक यांना सदर ठिकाणावरून ताब्यात घेतले असून व इतर दोन आरोपी नामे १) फरार इसम नामे सागर संतोष जैस्वाल अंदाजे वय:२२ वर्ष, रा.औराळा ता. कन्नड जि. औरंगाबाद २) फरार इसम नामे दत्ता नानासाहेब वारे अंदाजे वय:२६ वर्ष, रा.औराळा ता.कन्नड जि.औरंगाबाद हे रात्रीच्या अंधाराचा फायदा घेवूण पसार झाले.
सदर कारवाई श्री.विजय रोकडे निरीक्षक, राज्य उत्पादन शुल्क, भरारी पथक, औरंगाबाद, श्री.डाहके निरीक्षक, राज्य उत्पादन शुल्क, ‘क’ विभाग सिल्लोड दुय्यम निरीक्षक, श्री.शरद रोटे, श्री.रमेश विठोरे सह-दुय्यम निरीक्षक, प्रवीण पुरी, जवान सर्वश्री श्री.युवराज गुंजाळ, श्री.रवींद्र मुरडकर, श्री.भास्कर काकड, श्री.सुभाष गुंजाळे, श्री.शारेक कादरी वाहन चालक श्री.संजय गायकवाड व श्री.अमोल अन्नदाते यांनी यशस्वीरित्या पार पाडली.