मिरा भाईंदर: 8 मार्च रोजी सर्वत्र जगभरात महिला दिन साजरा करण्यात येतो. हा दिवस असतो प्रत्येक महिलेच्या सन्मानाचा, अभिमानाचा, त्यांच्या कार्याची दखल घेत सन्मानचा. जागतिक महिला दिन साजरा करण्यामागचे प्रमुख उद्देश हेच की स्त्रियांना सामाजिक, राजकीय, धार्मिक आणि सांस्कृतिक अधिकारांची जाणीव करून देणे. घर, व्यवसाय, नोकरी अशा विविध लढाया सांभाळत स्त्री प्रत्येक क्षेत्रात आपला अनोखा ठसा उमटवत आहे. परंतु हे सर्व लीलया पार पाडत असताना तिच्या आरोग्याकडे दुर्लक्ष होत किंवा काही स्त्रियांना परिस्थितीमुळे दुर्लक्ष्य करावे लागते.

सर्व लढवैय्या स्त्री ने स्वतःच्या आरोग्याबाबतही सजग व्हावे म्हणून शक्ती जनरल युनियन, रुद्रा फाउंडेशन आणि राष्ट्रवादी महिला काँग्रेस तर्फे मीरा भाईंदर शहरात महिलांसाठी मोफत आरोग्य शिबीर आयोजित करण्यात आले आहे.

या अभियानाचा कालावधी हा ८ मार्च २०२२ सकाळी १०.०० ते सायंकाळ ४.०० वाजेपर्यंत असेल. या शिबिरांतर्गत महिलांची मोफत आरोग्य तपासणी होणार आहे.

मोफत वैद्यकीय सल्लामसलत, मोफत स्त्रीरोग तपासणी, मोफत रक्त तपासणी (रक्तातील साखर, सीबीसी, कोलेस्ट्रॉल, मधुमेह, थायरॉईड, मूत्रपिंड आणि यकृत कार्य)
मोफत BMD चेकअप
मोफत त्वचा / केस / वजन कमी करणे / आहार आणि पोषण उपचार, मोफत होमिओपॅथिक सल्लामसलत, मोफत अस्थमा तपासणी, मोफत नेत्र तपासणी, मोफत कॅन्सर मॅमोग्राफी, मोफत फिजिओथेरपी

मिरा भाईंदर शहरातील गरजू महिलांनी या आरोग्य शिबीर मध्ये जास्तीत जास्त संख्येने सहभागी होऊन आपल्या आरोग्य शिबीराचा लाभ घ्यावा असे आवाहन राष्ट्रवादी काँग्रेस पक्षाच्या महाराष्ट्र प्रदेश सरचिटणीस अन्नू पाटील यांनी केले आहे.

अधिक माहितीसाठी संपर्क: श्रीमती अन्नु पाटील
अध्यक्षा : शक्ती जनरल कामगार यूनियन/
रूद्रा फ़ाउंडेशन
महाराष्ट्र प्रदेश सरचिटणीस.
राष्ट्रवादी कोंग्रेस पार्टी.

दिनांक- ८ मार्च २०२२
वेळ- सकाळ १० ते संध्याकाळ ४ वाजेपर्यंत
स्थळ- राष्ट्रवादी कॉंग्रेस पार्टी मध्यवर्ती कार्यालय, सेक्टर ४, शांती नगर, स्टेशन रोड, मिरारोड (पूर्व)