पाणी पुरवठा विभागाच्या कर्मचाऱ्यांचा आयुक्त यांच्या हस्ते सन्मान!
संपादक: मोईन सय्यद/मिरा भाईंदर प्रतिनिधी
मिरा भाईंदर: जागतिक जल दिनाचे औचित्य साधुन पाणी पुरवठा विभाग मिरा भाईंदर महानगरपालिका तर्फे नगरभवन येथे जागतिक जल दिवस साजरा करण्यात आला.
महानगरपालिका आयुक्त दिलीप ढोले यांच्या प्रमुख उपस्थितीत जल दिवस सन्मान समारोह सपन्न् झाला. सदर प्रसंगी अतिरिक्त आयुक्त संभाजी पानपट्टे, पाणी पुरवठा विभागाचे कार्यकारी अभियंता सुरेश वाकोडे व कार्यकारी अभियंता किरण राठोड उपस्थित होते.
सदर कार्यक्रमास आयुक्त दिलीप ढोले यांनी कार्यक्रमाला मार्गदर्शन करताना जागतिक जल दिवसाचे महत्त्व सांगताना महानगरपालिकेच्या पाणी व मलनि:सारण केंद्रा संबंधित विविध उपक्रमांची माहिती दिली.
मिरा भाईंदर महानगरपालिका कार्यक्षेत्रातील सर्व नागरिकांना जागतिक जल दिवसाच्या शुभेच्छा देऊन जल संवर्धनाचे मुख्य उद्देश अधोरेखित केले. शहरातील प्रत्येक नागरिकाला शुद्ध पाणी मिळावे, पाण्याच्या स्तोत्राचे संरक्षण करणे, जनप्रबोधन करून नागरिकांमध्ये जल साक्षरतेचे महत्त्व पटवून देणे, विहीर पुनर्भरण तंत्र, पाण्याचा अपव्यय टाळणे इत्यादी गोष्टी लक्षात ठेवून शहरातील नागरिकांना जल संवर्धनाचे महत्त्व पटवून दिले.
अतिरिक्त आयुक्त संभाजी पानपट्टे यांनी देखिल पाण्याचे महत्त्व पटवुन देताना सर्व कर्मचाऱ्यांचे वर्षभरात त्यांनी केलेल्या कामाचे कौतुक केले.
कार्यकारी अभियंता सुरेश वाकोडे यांनी सर्व कर्मचारी कनिष्ठ अभियंता यांचे आभार व्यक्त करत पाणी पुरवठा विभागात सुरु असलेले विविध उपक्रम लोकांच्या गरजा आणि आवश्यकतेनुसार उपाययोजना व भविष्यातील कार्यक्रम या संबंधि कर्मचाऱ्यांना मार्गदर्शन केले.
या कार्यक्रमामध्ये पाणी पुरवठा विभागात कार्यरत मेस्त्री, प्लंबर, वॉलमन आणि मीटर वाचक यांचा सन्मान करून वर्षभरात त्यांनी केलेले काम आणि सहकार्य यांचा एकत्रित मिलाप करुन आज त्यांना महानगरपालिका आयुक्त दिलीप ढोले यांच्या हस्ते गौरविण्यात आले.