संपादक: मोईन सय्यद / प्रतिनिधी: अवधुत सावंत

‘रोटरी क्लब ऑफ डोंबिवली मिडटाऊन’ ने दर वर्षी प्रमाणे या वर्षी सुद्धा “स्वरभूषण” ही गाण्याची स्पर्धा आयोजित केली होती. या स्पर्धेचे नियोजन १२ ते १८ वर्षे, १९ ते ५० वर्षे आणि ५० वर्षावरील अशा तीन वयोगटात करण्यात आले होते. या स्पर्धेत जवळपास १०० स्पर्धकांनी स्वेच्छेने भाग घेतला होता.

या स्पर्धेचे आयोजन रो.डॉ. लीना लोकरस आणि रो.डॉ. मकरंद गणपुले यांनी अतिशय उत्कृष्टरित्या केले होते. त्यांनी सांगितले की या स्पर्धेचा उद्देश हा स्थानिक गायकांना उत्तेजन देणे आणि त्यांना प्रकाशात आणणे हा आमचा हेतू आणि लक्ष्य आहे आणि यापूर्वी झालेल्या स्पर्धेतून जिंकलेले अनेक गायक हे आज गायन क्षेत्रात प्रगती करीत आहेत.

रविवारी दि.२२ मे रोजी या स्पर्धेची उपांत्य आणि अंतिम फेरी, कामा हॉल, एमआयडीसी, डोंबिवली येथे पार पडली. या स्पर्धेचे परीक्षक म्हणून नामवंत गायक श्री. उदय चितळे आणि सौ. कल्पिता खरे यांनी जबाबदारी पार पाडली. त्यांनी रोटरी क्लब संगीताच्या क्षेत्रात करीत असलेल्या या कार्याची खूप प्रशंसा केली.

प्रेसिडेंट रो. जितेंद्र नेमाडे यांनी यावेळी रोटरी क्लब ऑफ डोंबिवली मिडटाऊन करीत असलेल्या विविध समाजोपयोगी कामाची माहिती दिली. रो. अजय कुलकर्णी यांनी या स्पर्धेची तांत्रिक बाजू सांभाळली. रो. महादेव तामसे यांनी सर्व विजेत्यांना स्वखर्चाने रोख पारितोषिके दिली.

खालील गायक गायिकांनी या स्पर्धेत पारितोषिके पटकावली. त्यांना ‘रोटरी क्लब ऑफ डोंबिवली मिडटाऊन’ तर्फे रोख पारितोषिक व ट्रॉफी देऊन गौरविण्यात आले. या प्रसंगी स्पर्धकांचे पालक, डोंबिवलीकर व रोटरी क्लबचे सभासद मोठ्या संख्येने उपस्थित होते.

वयोगट १२ ते १८
१ – तेजस्विनी जोशी, २ – प्रेम विशे, ३ – जिविका हळबे, ४ – सुरभी देवस्थळे, ५ – पावनी कुलकर्णी, ६ – आश्लेषा सावळे

वयो,गट १९ ते ५०..
१ – शर्वरी बापट, २ – अमृता नायर, ३ – मंदार जोशी, ४ – डॉ. स्नेहल चटप, ५ – संतोष अय्यर

वयोगट ५० वरील..
१ – महेश देशपांडे, २ – प्रद्युम्न कुलकर्णी, ३ – उत्तम सोनवणे, ४ – परिमला देशपांडे, ५ – स्वाती देशपांडे, ६ – प्रफुल्ल साने

अशी यंदा या ‘रोटरी क्लब ऑफ डोंबिवली मिडटाऊन’ ने आयोजलेल्या ‘स्वरभूषण’  या संगीत स्पर्धेत वरील गायकांनी रोख पारितोषिक व ट्रॉफी जिंकलेल्यांची नावे आहेत.