संपादक: मोईन सय्यद / प्रतिनिधी: अवधुत सावंत
रोटरी क्लब ऑफ डोंबिवली मिडटाऊनचा २०२२-२३ सालचा अध्यक्षांचा पदग्रहण सोहळा नुकताच ३० जून २०२२ रोजी गणेश मंदिर हॉल, डोंबिवली येथे संपन्न झाला. याप्रसंगी रो.अजय कुलकर्णी यांनी मावळते अध्यक्ष रो. जितेंद्र नेमाडे यांच्याकडून २९ वे अध्यक्ष म्हणून सूत्रे स्वीकारली, रो. किशोर अढळकर यांनी रो. अतुल कुवळेकर यांच्याकडून सचिव पदाची सूत्रे स्वीकारली तसेच रो. अनिल हिरावत यांनी रो. प्रदीप बुडबाडकर यांच्याकडून खजिनदार पदाची सूत्रे स्वीकारली. रोटरी डिस्ट्रिक्ट ३१४२ चे मुख्य प्रशिक्षक रो. श्रीजीत यांनी रोटरीच्या नवीन सदस्यांना शपथ दिली.
याप्रसंगी रोटरी डिस्ट्रिक्ट ३१४२ च्या उप प्रांतपाल डॉ. आरती धूत या प्रमुख पाहुण्या म्हणून उपस्थित होत्या व रोटरी डिस्ट्रिक्ट ३१४२ च्या सचिव कीर्ती वडाळकर या मार्गदर्शक म्हणून उपस्थित होत्या. या कार्यक्रमाचे सूत्र संचालन रो. डॉ. लीना लोकरस व रो. डॉ. मकरंद गणपुले यांनी केले. याप्रसंगी अनेक रोटरी सदस्य, त्यांचे कुटुंबीय, रोटरॅक्टर इत्यादी मोठ्या संख्येने उपस्थित होते.