संपादक: मोईन सय्यद / प्रतिनिधी: अवधुत सावंत
देशातील प्रमुख बँक असलेल्या रिझर्व्ह बँक ऑफ इंडियाकडे बँकिंग व्यवसायाच्या वित्तीय नियमन व नियंत्रणाची जबाबदारी असून बँकिंग नियमांचे उल्लंघन करणाऱ्या बँकांवर पर्यायाने कठोर कारवाईची कृती देखील रिझर्व्ह बँकेतर्फे वेळोवेळी करण्यात येते. आता देशांतील विविध चार सहकारी बँकांवर रिझर्व्ह बँकेने पुढील सहा महिन्यांकरिता कठोर कारवाई केली आहे सोबत या बँकांवर दंडही आकारण्यात आला आहे. येथे महत्वपूर्ण असे की या सर्व बँकांना दंड सक्तीने भरावा लागणार आहे.
साहेबराव देशमुख सहकारी बँक (मुंबई), शारदा महिला सहकारी बँक (तुमकूर, कर्नाटक), सांगली सहकारी बँक (मुंबई) व रामगढिया सहकारी बँक (नवी दिल्ली) अशी कारवाई करण्यात आलेल्या बँकेची नवे आहे. या सर्व बँकांची आर्थिक स्थिती अतिशय खालावली असून भविष्यात व्यवसायाच्या दृष्टीने दिवाळखोरी होण्याची शक्यता अधिक असल्याने रिझर्व्ह बँकेने निर्बंधाची कारवाई सदर बँकांवर केली आहे.
शुक्रवारी उशिरा कामकाज आटोपल्यानंतर सदर बँकांवर निर्बंध लादण्यात आले असून यानंतर पुढील सहा महिन्यापर्यंत या सर्व बँकांना ठेवी स्वीकारण्यास, कर्ज देण्यास, गुंतवणुकीकरिता मज्जाव घालण्यात आलेला आहे. येथे सर्वात वाईट बातमी खातेधारकांसाठी असून या निर्बंधामुळे त्यांना खात्यातून रक्कम काढण्यावरही बंधने असेल. सध्यस्थितीत या बँकांचे परवाने रद्द न करण्यात आल्याचे रिझर्व्ह बँकेतर्फे जाहीर करण्यात आले आहे, परंतु भविष्यात दंड न भरल्यास कारवाई अधिक कठोर होऊ शकते व परवाने देखील रद्द होऊ शकतात असे प्रसिद्धी माध्यमांना कळवले आहे.