संपादक: मोईन सय्यद / प्रतिनिधी: अवधुत सावंत
दोन महागड्या मोटर सायकल चोरीचे २ गुन्हे उघडकीस आणून गुन्हे शाखा युनिट ३, कल्याण पोलीसांनी एकास अटक केली आहे. काशिम युनूस अली (वय:२२ वर्षे)असे याचे नाव आहे.
याबाबत सविस्तर वृत्त असे कि, पोलिसांना मिळालेल्या माहितीच्या अनुषंगाने सापळा रचून प्रीमिअर कॉलनी, मानपाडा – शीळ रोड येथून काशिम युनूस अली रा. फिरस्ता मूळ रा. कुलमंपुर, ग्यानपूर जिल्हा: रविदासनगर भदोही उत्तरप्रदेश यास ताब्यात घेतले. त्याच्याकडे केलेल्या सखोल चौकशीत त्याने चार -पाच महिन्यापूर्वी तो व त्याच्या मित्र अंकित कुमार शर्मा सध्या रा. उत्तरप्रदेश या दोघांनी मिळून कल्याण मधील मटण शॉप मध्ये काम करत असताना नांदिवली मधून आर १५ यामाहा कंपनी ची मोटासायकल व मुंबई धारावी येथून होंडा शाईन मोटासायकल चोरी केली होती व दोन्ही मोटर सायकलचे त्याच कंपनी मोटर सायकलचे खोटे नंबरप्लेट टाकून गाड्या चालवीत असल्याचे त्याने कबूल केले.
पोलीसांनी त्याच्याकडून दोन्ही मोटार सायकल जप्त करून त्याच्याकडून मोबाईलसह एकूण २,१५,०००/- रुपये किंमतीचा मुद्देमाल हस्तगत केला. तसेच १) कोळसेवाडी पो ठाणे गुन्हा रजि क्र. ३३६/२२ आयपीसी ३७९, २) शाहूनगर पोलीस स्टेशन मुंबई गुन्हा रजि क्र. १७४/२२ आयपीसी ३७९ असे दोन महागड्या मोटार सायकल चोरीचे दोन गुन्हे उघडकीस आणले.
सदर गुन्ह्यातील आरोपी काशिम युनूस अली आणि दोन मोटार सायकल पुढील कारवाई करीता कोळसेवाडी पोलीस ठाणे येथे हजर करण्यात आले आहेत.
सदरची कारवाई गुन्हे युनिट -३, कल्याण चे वरीष्ठ पोलीस निरीक्षक किशोर शिरसाट यांच्या मार्गदर्शनाखाली उपनिरीक्षक मोहन कळमकर, हेड कॉन्स्टेबल जरग, साबळे, बेलदार, साळवी, कडू, बोरकर व सचिन वानखेडे यांनी यशस्वीरित्या पार पाडली.