संपादक: मोईन सय्यद/मुंबई प्रतिनिधी
मुंबई: वृंदावन फाऊंडेशन विवेक व्यासपीठ, पुणे यांच्यातर्फे आयोजित ‘गुरुजन गौरव सोहळा’ २०२१ – २२ येत्या १८ सप्टेंबर रोजी पुणे येथे पार पडणार आहे.
एस.एन.डी.टी महिला विद्यापीठाच्या आजीवन अध्ययन आणि विस्तार विभागाचे संचालक प्रा. डॉ. प्रभाकर चव्हाण यांची यंदाचा ‘गुरुजन गौरव’ या पुरस्कारासाठी निवड करण्यात आली आहे.
प्रा. डॉ. प्रभाकर चव्हाण यांचा तब्बल २० वर्षांपेक्षा जास्त काळ शैक्षणिक आणि सामाजिक क्षेत्रात कार्य करण्याचा अनुभव आहे.
शिक्षण क्षेत्रातील अनेक मान्यवरांच्या उपस्थितीत हा सोहळा पार पडणार असून प्रा. डॉ. प्रभाकर चव्हाण यांना हा पुरस्कार जाहीर झाल्याने सर्व स्तरातून त्यांचे अभिनंदन केले जात आहे.