संपादक: मोईन सय्यद / प्रतिनिधी: अवधुत सावंत

रेल्वेने प्रवास करणाऱ्या कोट्यवधी प्रवाशांसाठी आयआरसीटीसीकडून मोठी बातमी आहे. तुम्ही सुद्धा रेल्वेत रिझर्व्हेशन केलंत तर आता आणखी सोप्या पद्धतीने तुम्ही स्वत:साठी सीट बुक करू शकता. आता तुम्हाला आयआरसीटीसी ऍपवर जाऊन तिकीट बुक करण्याची गरज नाही, तुम्ही ऍपवर लॉग इन न करता तुमचं तिकीट बुक करू शकता. कसे ते समजून घेऊया.

आयआरसीटीसी ऍपशिवाय बुक करता येणार तिकीट

आयआरसीटीसीकडून प्रवाशांना अनेक विशेष सुविधा पुरवल्या जातात. आज तुम्हाला अशा एका सुविधेबद्दल सांगणार आहोत, ज्यात तुम्ही आयआरसीटीसी चॅटबॉटमधूनच रिझर्व्हेशन करू शकता. रेल्वेतर्फे ग्राहकांसाठी विशेष सुविधा सुरू करण्यात आली आहे. ही सुविधा नुकतीच सुरू करण्यात आली असून या सुविधेअंतर्गत तुम्ही सहजपणे तिकीट बुक करू शकता.

दररोज १० लाख लोक तिकीट बुक करतात

आयआरसीटीसीच्या वेबसाइटनुसार, सध्या वेबसाइटवरून दररोज १० लाखांहून अधिक लोक आरक्षण करतात. याशिवाय ऍप आणि स्टेशनच्या माध्यमातूनही प्रवासी तिकीट बुक करतात आणि अनेक वेळा वेबसाईट व्यवस्थित हँग होऊन चालत नसेल तर लोकांना वेळेत तिकीट मिळत नाही, हे लक्षात घेऊन रेल्वेने चॅटबॉटची सुविधा सुरू केली आहे.

वेगळा चार्ज द्यावा लागणार नाही

या सुविधेत तुम्हाला कोणतेही वेगळे शुल्क द्यावे लागणार नाही, जितके पैसे तुम्हाला वेबसाईटवर तिकीट बुकिंगसाठी मोजावे लागतील, तेवढेच शुल्क चॅटबॉटवर सुद्धा द्यावे लागेल.

किती शुल्क आकारले जाते

तिकीट बुक करताना स्लीपर क्लाससाठी १० रुपये आणि एसी क्लाससाठी १५ रुपये खर्च करावे लागतील. त्याचबरोबर यूपीआयने पैसे भरल्यास स्लीपर क्लाससाठी २० रुपये आणि एसी क्लाससाठी ३० रुपये मोजावे लागतात.