लातूर, प्रतिनिधी: जिल्हास्तरीय उत्कृष्ट अभियंता, सर्व अभियांत्रिकी विभाग (जिल्हा लातुर) पुरस्कार- २०२२ सोहळा कार्निव्हल रिसॉर्ट, लातूर येथे मोठया थाटामाटात संपन्न झाला. या कार्यक्रमात जिल्ह्यातील अनेक अभियंत्यांना पुरस्कार देऊन गौरविण्यात आले.

या कार्यक्रमास प्रमुख पाहुणे म्हणून लातूरचे जिल्हाधिकारी पृथ्वीराज बी. पी. (भा.प्र.से.), पोलीस अधीक्षक निखील पिंगळे (भा.पो.से.), लातूर महानगरपालिकेचे आयुक्त अमन मित्तल (भा.प्र.से.), लातूर जिल्हा परिषदेचे मुख्य कार्यकारी अधिकारी अभिनव गोयल (भा.प्र.से.) उपस्थित होते.

तर याच कार्यक्रमात महावितरणचे मुख्य अभियंता सुंदर लटपटे, लातूर सार्वजनिक बांधकाम मंडळाचे अधीक्षक अभियंता सलिम शेख, लाभक्षेत्र विकास प्राधिकरण, लातुरचे अधिक्षक अभियंता व प्रशासक अभिजीत म्हेत्रे, बीड पाटबंधारे प्रकल्प, मंडळ परळी(वै.)चे अधिक्षक अभियंता ईलियास चिस्ती आणि लातूर जिल्ह्यातील सर्व विभागाचे कार्यकारी अभियंता यांची प्रमुख उपस्थिती होती.

कार्निव्हल रिसाॅर्ट, लातुर येथे आयोजित या भव्य कार्यक्रमात लातूरचे सुपुत्र व पंचायत समिती, निलंगाचे शाखा अभियंता ए. आर. मौजन यांना जिल्हास्तरीय उत्कृष्ट अभियंता पुरस्कार- २०२२ प्रदान करुन त्यांचा सन्मान करण्यात आला.

निलंगा विभागाचे शाखा अभियंता ए. आर. मौजन यांना 2022 वर्षाचे ‘उत्कृष्ट अभियंता’ पुरस्काराने सन्मानित करण्यात आल्यामुळे जिल्ह्यातील सर्व स्तरातून त्यांचे अभिनंदन करण्यात येत आहे.