संपादक: मोईन सय्यद / प्रतिनिधी: अवधुत सावंत
शिवसेनेचे निवडणूक चिन्ह धनुष्य बाण हे आपल्यालाच मिळावे यासाठी शिंदे गटाने आज निवडणूक आयोगाकडे रीतसर दावा केला आहे, त्यावर उद्या दुपारी दोन वाजेपर्यंत ठाकरे गटाने आपले म्हणणे यावर सादर करावे अशी नोटीस बजावण्यात आली आहे.
आज सायंकाळ पर्यंत निवडणूक आयोगाने दोन्ही गटांनी आपापले दावे आणि कागदपत्रे सादर करावीत अशी मुदत याआधीच निवडणूक आयोगाने दोन्ही गटांना दिली होती, त्यानुसार शिंदे गटाने आपले म्हणणे सादर केले, त्याच्या समर्थनार्थ कागदपत्रांचे गठ्ठेही सादर करण्यात आले आहेत.
शिवसेनेच्या ठाकरे गटाने मात्र आपले प्राथमिक म्हणणे सादर केले आहे, दरम्यान चिन्हावर शिंदे गटाने दावा केल्यावर आयोगाने यावर आपले म्हणणे मांडण्यासाठी उद्धव ठाकरे गटाला नोटीस बजावून उद्या दुपारी दोन वाजेपर्यंतची वेळ दिली आहे.
दोन्ही बाजूने पक्षावर आणि निवडणूक चिन्हावर दावा करण्यात आल्याने आयोग त्यावर निर्णय घेण्यासाठी किती वेळ घेतो आणि तोवर चिन्ह गोठवेल का हे लवकरच स्पष्ट होईल अशी अपेक्षा आहे.