संपादक: मोईन सय्यद / प्रतिनिधी: अवधुत सावंत
मुंबईतील अंधेरी (पूर्व) विधानसभा पोटनिवणुकीसाठी आजच्या शेवटच्या दिवशी भाजपा विरुद्ध शिवसेना ठाकरे गट अशी सरळ लढत होणार आहे. आज उमेदवारी अर्ज दाखल करण्याच्या शेवटच्या दिवशी भाजपा, बाळासाहेबांची शिवसेना आणि आरपीआय चे उमेदवार म्हणून भाजपाच्या मुरजी पटेल यांनी आपला अर्ज दाखल केला, यावेळी मुंबई भाजपाचे अध्यक्ष आशिष शेलार, मंत्री दीपक केसरकर, आमदार प्रवीण दरेकर आदी नेते उपस्थित होते.
शिवसेना ठाकरे गटाच्या वतीने दिवंगत आमदार रमेश लटके यांच्या पत्नी ऋतुजा लटके आणि पर्यायी उमेदवार म्हणून संदीप नाईक यांचे अर्ज दाखल करण्यात आले. यावेळी आदित्य ठाकरे, अनिल परब, दिलीप वळसे पाटील, भाई जगताप आदी महाविकास आघाडीचे नेते उपस्थित होते.
दोन्ही बाजूने अर्ज दाखल करताना जोरदार शक्ती प्रदर्शन करण्यात आले. मुरजी पटेल यांनी दोन अर्ज दाखल केले असून, दोन्ही बाजूने खबरदारी घेतल्याचे दिसून येत आहे. मनसे ने मात्र आपली भूमिका अद्याप स्पष्ट केलेली नाही.