संपादक: मोईन सय्यद / प्रतिनिधी: अवधुत सावंत
दिनांक १३/०२/२०२३ रोजी रात्री २२.३० वाजण्याच्या सुमारास डोंबिवली पूर्व येथील शेलार नाक्याजवळील शंकर मंदिराच्या बाजूला फिर्यादी देवेंद्र राजभर हा पाणीपुरी खात असताना आरोपी नामे १) शिवा तुसांबड, २) छोटा चंदया, ३) मोठा चंदया, ४) वाणी हे तीथे आले व आपसात संगनमत करून फिर्यादी देवेंद्र राजभर यांस चाकूचा धाक दाखवून दमदाटी करून त्याच्या जवळील ₹ १८,२००/- रोख रक्कम जबरीने काढून घेतल्याबाबत रामनगर येथील डोंबिवली पोलीस ठाणे येथे गुन्हा रजि. क्र. ६१/२०२३ भादंवि कलम ३९२, ३९७, ५०६, ३४ प्रमाणे दि. १४/०२/२०२३ रोजी दाखल करण्यात आला.
सदर गुन्ह्याचा समांतर तपास करत असताना दि.१५/०२/२०२३ रोजी गुन्हे शाखा घटक-३ चे पोलीस अंमलदार सचिन वानखेडे यांना मिळालेल्या गुप्त बातमीच्या आधारे पोलीस उपनिरीक्षक श्री.मोहन कळमकर व पथकाने डोंबिवली पूर्वेकडील बंदिश पॅलेस येथे सापळा रचून १) शिवा रिषीपाल तुसांबड (वय:१९ वर्षे) राहणार. गजा डुक्करवाला याचे घराजवळ, सार्वजनिक शौचालयाच्या समोर, त्रिमूर्तीनगर, शेलार नाका, डोंबिवली (पूर्व), २) आकाश उर्फ वाणी हिरू राठोड (वय:२१ वर्षे) राहणार. रणविर डॉक्टरांच्या क्लिनिक समोर, स्वतःचे घर, त्रिमूर्तीनगर, शेलार नाका, डोंबिवली (पूर्व) येथून ताब्यात घेऊन त्यांच्या पोलीस अभिलेखाची पडताळणी केली असता आरोपी शिवा रिषीपाल तुसांबड याच्या विरोधात डोंबिवली पोलीस ठाण्यात ७ व खडकपाडा पोलीस ठाण्यात १ असे एकूण विविध ८ गुन्ह्यांची नोंद असल्याचे निष्पन्न झाले.
सदर कारवाई मा. अपर पोलीस आयुक्त (गुन्हे), श्री. अशोक मोराळे, मा. पोलीस उपायुक्त (गुन्हे) श्री.शिवराज पाटील, मा.सहा.पोलीस आयुक्त श्री.राजकुमार डोंगरे, यांच्या मर्गदर्शनाखाली गुन्हे शाखा घटक-३, कल्याणचे वरिष्ठ पोलीस निरीक्षक श्री. किशोर शिरसाठ, पोलीस उपनिरीक्षक श्री. मोहन कळमकर, पोलीस उपनिरीक्षक श्री. नवनाथ कवडे, पोहवा. अनुप कामत, पोहवा. बालाजी शिंदे, पोहवा. बापूराव जाधव, पोहवा. विलास कडू, पोना. सचिन वानखेडे, पोशि. गोरक्ष रोकडे यांनी केली आहे.