संपादक: मोईन सय्यद / प्रतिनिधी: अवधुत सावंत
डोंबिवली पश्चिमेकडील जन गण मन शाळा व वंदे मातरम् महाविद्यालया तर्फे आपल्या विद्यार्थिनीं व प्राचार्या यांच्या सोयीसाठी सॅनिटरी नॅपकीन वेंडिंग मशीन ची सोय करण्यात आली असून ह्या मशिन्स चे उद्घाटन संस्थापक अध्यक्ष डॉ. राजकुमार कोल्हे सचिव सौ. प्रेरणा राजकुमार कोल्हे तसेच कोषाध्यक्ष कुमारी.जान्हवी राजकुमार कोल्हे ह्यांच्या तर्फे करण्यात आले.
फक्त ₹ ५/- मध्ये शाळेतल्या मुलींना व प्राध्यापिकांना उपलब्ध होणार असल्याचे डॉ. राजकुमार कोल्हे यांनी सांगितले. बदलत्या काळाची ही गरज असल्याने सॅनिटरी नॅपकीन वेंडिंग मशीन ची सोय महिलांना व मुलींना करून देणे महत्वाचे वाटल्याचेही अध्यक्ष डॉ. राजकुमार कोल्हे यांनी यावेळी सांगितले. जन गण मन विद्यामंदिर व वंदे मातरम् महाविद्यालय कायम आपल्या विद्यार्थ्यांच्या व्यक्तिमत्व व व्यक्तिगत विकासासाठी अग्रगण्य असते त्याच प्रमाणे विद्यार्थिनींसाठी शाळेतर्फे सॅनिटरी नॅपकीन वेंडिंग मशीनची सोय ₹ ५/- अश्या अल्प दरात करून देण्यात आली असल्याचे डॉ. कोल्हे यांनी प्रसिद्धी माध्यमांना सांगितले.