प्रतिनिधी : अवधुत सावंत (डोंबिवली)
कल्याण महात्मा फुले चौक पोलीस ठाण्याच्या हद्दीत पोलिसांनी गुरुवारी दुपारी साडेतीनच्या सुमारास सापळा रचून अंमली पदार्थांची तस्करी करण्यासाठी आलेल्या विजयकुमार पटेल याला अटक केली. त्याच्याकडून १४ लाख ८४ हजार १०० रुपयांचा १०० किलो वजनाच्या गांजासह मोबाइल आणि गुन्ह्यात वापरलेली जीप असा एकूण १८,०३,१०० रुपयांचा मुद्देमाल जप्त करण्यात आला.
कल्याण सत्र न्यायालयात आरोपीस हजर केले असता न्यायालयाने आरोपीस ७ दिवसांची पोलीस कोठडी सुनावली आहे. बिर्ला कॉलेज रोडवर इंदिरा नगर येथील सार्वजनिक स्वच्छतागृहासमोर एक जण अंमली पदार्थांचा साठा घेऊन येणार असल्याची माहिती सहाय्यक पोलीस निरीक्षक दीपक सरोदे यांना मिळाली. त्यानुसार त्यांनी सापळा रचून विजयकुमार पटेल याला पकडून गजाआड केले व एव्हढा गांजा कुठून आणला व कोणाला विकणार होता याची पुढील चौकशी सुरू आहे.