प्रतिनिधी: अवधुत सावंत

ठाणे – तेलंगना राज्य येथून १२ किलो गांजा हा अंमली पदार्थ विक्री करण्यासाठी आलेल्या दोन इसमांना अटक करण्यात ठाण्याच्या गुन्हे शाखा, घटक – १ यांना यश आले आहे.

याबाबत वृत्त असे आहे कि, एक इसम कॅसलमील नाका, अभिरुची बस स्टॉप, ठाणे येथे गांजा हा अंमली पदार्थ विक्री करण्यासाठी येणार असल्याची माहिती गुन्हे शाखा घटक – १ यांना मिळाली.

सदर मिळालेल्या माहितीवरून पोलिसांनी सदर ठिकाणी सापळा रचून दोन इसमांना ताब्यात घेतले. त्यांच्याकडे ११.९५० किलो ग्रॅम वजनाचा गांजा हा अंमली पदार्थ मिळून आला.

सदर प्रकरणी त्यांच्याविरुद्ध राबोडी पोलीस ठाण्यात गुन्हा दाखल करण्यात आला आहे व पुढील तपास सुरू आहे.