पुन्हा १०० रुपयांत सरकार कडून आनंदाचा शिधा..

Admin

01/03/2023

पुन्हा १०० रुपयांत सरकार कडून आनंदाचा शिधा..

संपादक: मोईन सय्यद / प्रतिनिधी: अवधुत सावंत

गुढीपाडवा तसेच डॉ. बाबासाहेब आंबेडकर जयंतीनिमित्त शिधापत्रिका धारकांना १०० रुपयांत आनंदाचा शिधा पुन्हा देण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते. याचा लाभ १ कोटी ६३ लाख शिधा पत्रिकाधारकांना होईल. यापूर्वी दिवाळीत हा आनंदाचा शिधा देण्यात आला होता.

कोणाला मिळेल हा शिधा ?

अंत्योदय अन्न योजना, प्राधान्य कुटुंब तसेच औरंगाबाद व अमरावती विभागातील सर्व आणि नागपूर विभागातील वर्धा अशा १४ शेतकरी आत्महत्याग्रस्त जिल्ह्यातील दारिद्र्य रेषेवरील केशरी शेतकरी शिधा पत्रिकाधारकांना हा ‘आनंदाचा शिधा’ मिळेल.

१ किलो रवा, १ किलो चनाडाळ, १ किलो साखर आणि १ लिटर पामतेल असा आनंदाचा शिधा गुढी पाडव्यापासून पुढील १ महिन्याच्या कालावधीसाठी ‘ई-पास’द्वारे १०० रुपये प्रतिसंच असा सवलतीच्या दरात दिला जाईल. ‘ई-पास’ची व्यवस्था नसलेल्या ठिकाणी ऑफलाईन पद्धतीने हा ‘आनंदाचा शिधा’ दिला जाईल.

हा ‘आनंदाचा शिधा’ देण्याकरिता आवश्यक शिधा जिन्नसांची खरेदी करण्याकरिता महाटेंडर्स या ऑनलाईन पोर्टलद्धारे २१ दिवसांऐवजी १५ दिवसांच्या कालावधीत निविदा प्रक्रिया राबविण्यास मान्यता देण्यात आली आहे. २०२२ मध्ये दिवाळी सणानिमित्त शिधाजिन्नस खरेदीसाठी पार पडलेल्या निविदा प्रक्रियेत २७९ प्रति संच या दरानुसार ४५५ कोटी ९४ लाख आणि इतर अनुषंगीक खर्चासाठी १७ कोटी ६४ लाख अशा ४७३ कोटी ५८ लाख इतक्या खर्चास देखील सरकार तर्फे मान्यता देण्यात आली.

Spread the love

पुन्हा १०० रुपयांत सरकार कडून आनंदाचा शिधा..

145 COMMENTS

LEAVE A REPLY Cancel reply