संपादक: मोईन सय्यद / प्रतिनिधी: अवधुत सावंत

गेल्या काही दिवसांपासून कल्याण-डोंबिवली महानगरपालिका येथे केंद्राकडून सतत राज्य शासनाला कमी जास्त लसींचा पुरवठा होत असल्यामुळे शहरांतर्गत लसीकरण मोहिमेला बाधा येत आहे, व्यत्यय निर्माण होत आहे. काही वेळा अनेक दिवस लसीकरण केंद्र अपुऱ्या पुरवठ्यामुळे लसीच उपलब्ध नसल्यामुळे बंद ठेवावी लागत आहेत. कोरोनाच्या या संक्रमणाचा सामना करण्यासाठी व कोरोनाचे समूळ निर्मूलन होण्यासाठी जास्तीत जास्त नागरिकांचे लसीकरण लवकरात लवकर होणे महत्त्वाचे आहे, हा विचार ठेवून माननीय ठाणे जिल्हा पालकमंत्री नामदार एकनाथ शिंदे साहेब यांनी नुकतेच ठाणे जिल्ह्यातील सर्व महानगरपालिकांना सूचना केली की लवकरात लवकर जाहीर निविदेद्वारे आपापल्या महापालिकेसाठी खाजगी औषध कंपन्यांकडून लसी उपलब्ध करून घ्याव्या जेणेकरून शासनाने उपलब्ध करून दिलेल्या लसीं व्यतिरिक्त अतिरिक्त लसींचा साठा त्याच्या महापालिकेकडे उपलब्ध राहील व लसीकरण मोहिमेत खंड पडणार नाही अशा सूचना दिलेल्या आहेत.

त्यानुसार कल्याण-डोंबिवली महानगरपालिकेने येत्या एक-दोन दिवसात निविदा प्रक्रिया जाहीर करून लवकरात लवकर परस्पर खाजगी औषध निर्मिती कंपन्यांकडून सध्या सुरुवातीला दोन लाख लसी उपलब्ध करुन घ्यावी अशा सूचना माननीय पालक मंत्री एकनाथ शिंदे साहेब यांनी दिलेल्या आहेत.