लोकहित न्युज

संपादक: मोईन सय्यद / प्रतिनिधी: अवधुत सावंत

राज्यातील शिंदे-फडणवीस सरकार विविध मुद्द्यांना बारकाईने हाताळत असून सध्यस्थितीत राज्यातील अनेक शाळांमध्ये तोकडी पटसंख्या असताना सुद्धा त्यांना अनुदान देण्याबाबत सरकार फेरविचार करत आहे. या प्रक्रियेसाठी राज्यातील एकूण ११९ शाळांकडून अनुदान प्रस्ताव मागविण्यात आले आहेत. सदर शाळा राज्यातील विविध विभागातील असून एकूण ८ जिल्ह्यातील शाळांना सध्या अनुदानाची प्रतीक्षा आहे. अशा सर्व शाळांना येत्या १५ दिवसांत असलेल्या तुटींची पूर्तता करून प्रस्तावाचा अहवाल सादर करण्याचे आदेश राज्य शालेय शिक्षण विभागाने दिले आहे.

नव्याने फेरविचार करण्यासाठी प्रस्ताव मागविण्यात आलेल्या शैक्षणिक संस्थेमध्ये माध्यमिक, उच्च माध्यमिक, प्राथमिक खासगी शाळांसोबतच कनिष्ठ महाविद्यालयांचा देखील समावेश आहे. जिथे राज्य सरकारचे वार्षिक एकूण उत्पन्न सव्वा तीन लाख कोटी आहे त्याच सरकारवर वार्षिक ४ लाख कोटी खर्चाचा बोजा असताना नव्याने अनुदानाचा प्रस्ताव स्वीकारण्याची तयारी राज्य सरकार दाखवत आहे. यामुळे राज्याच्या तिजोरीवर खर्चाचा भार आणखी वाढणार आहे. याचाच परिणाम म्हणजे दरवर्षी सरकार खर्चापोटी जवळपास ४५ हजार कोटींचे कर्ज घेते.

सदर प्रस्ताव बघता काही अशा देखील संस्था अनुदानासाठी पुढे सरसावल्या आहे ज्यांची पटसंख्या समाधानकारक आहे व अनुदान मागणी २० ते ४० टक्के इतकी आहे. त्यामुळे सरकारचा हा निर्णय कितपत योग्य ठरेल हे सांगणे एक कोडेच आहे. सध्या खासगी शाळांमध्ये पटसंख्या वाढत आहे त्यामुळे त्यांना जर पात्रता निकष पूर्ण करण्यात यश आले तर भविष्यात सरकारच्या या निर्णयाचे स्वागतच होईल. इथे महत्वाची बाब म्हणजे तपासणीतून अनेक शाळांची पटसंख्या अतिशय कमी होती परंतु ते २० टक्के इतक्या अनुदानावर कार्य करत होती त्यामुळे त्यांना पटसंख्या निकष पूर्ण करावे लागतील तरच अनुदानावर येत्या काळात फेरविचार होईल. याकामी सरकारला वार्षिक दीडशे ते दोनशे करोड रुपये खर्च करावा लागेल.

संपादक: मोईन सय्यद / प्रतिनिधी: अवधुत सावंत

टिटवाळ्यातील सावकरनगर परिसरात एका बंद घरात टिटवाळा पोलीसांना एक मृतदेह आढळून आला. मृतदेह सडलेल्या अवस्थेत होता. परिसरात दुर्गंधी पसरली होती. पोलीसांनी मृतदेह ताब्यात घेत पुढील प्रक्रिया सुरु केली. कल्याण तालुक्यातील टिटवाळा पोलीस ठाण्याचे सहाय्यक पोलीस निरीक्षक संदीप शिंगटे यांच्या मार्गदर्शनाखाली पोलीस उपनिरिक्षक दिलीप देशमुख पोना. दर्शन सावळे,पोना. नितिन विशे, पोकॅा. योगेश वाघेरे या पोलीस कर्मचाऱ्यांनी या प्रकरणाचा तपास सुरु केला. पोलीसांच्या तपासानंतर जी बाब समोर आली ती धक्कादायक होती. ज्या प्लॅटमध्ये महेश साबळे याचा मृतदेह आढळून आला होता. त्या फ्लॅटमध्ये खरात कुटुंबियातील एका तरुणाने आत्महत्या केली होती. त्या फ्लॅटला कुलूप लावून कुटुंबीय नाशिकला निघून गेले होते.

२२ सप्टेंबर रोजी आरोपी सागर खरात आणि त्याची पत्नी आणि मुलांसोबत टिटवाळा येथील सावकरनगरला परतला. या दरम्यान एके दिवशी रात्री त्याच्या घराखाली त्याचा जुना मित्र महेश साबळे त्याला भेटला. दोघांनी दारु पार्टी केली. हॉलमध्ये दारु पार्टी सुरु असताना महेश साबळे याने सागरला सांगितले की मला तुझ्या पत्नीसोबत संबंध ठेवायचे आहे. हे ऐकताच सागरने सोबत आणलेल्या दारूच्या बाटल्या महेशच्या डोक्यात फोडून मानेवर धारदार शास्त्राने वार करून त्याचा खून केला. अखेर पोलीसांनी सागर खरातला बेडय़ा ठोकल्या आहेत. सागर खरात या आधीही वांगणीतील एक हत्ये प्रकरणात जेल भोगून आला आहे. तो सराईत गुन्हेगार आहे.

सीसीटीव्हीच्या सहाय्याने टिटवाळा पोलीसांनी हा गुन्हा उघडकीस आणत आरोपी सागर खरात याला नाशिकहून अटक केली आहे. मयत तरुणाचे नाव महेश साबळे असे होते.