लोकहित न्युज

संपादक: मोईन सय्यद / प्रतिनिधी: अवधुत सावंत

विध्यार्थी, पालक, बालक आणि बालकांचे शिक्षक यांचे राष्ट्राच्या जडणघडणीत मोलाचे योगदान असते, त्यामुळे आता स्वातंत्र्याच्या अमृत महोत्सवी वर्षाच्या उचित साधून “घरोघरी तिरंगा” या उपक्रमाच्या जनजागृतीसाठी महापालिका आयुक्त डॉ. भाऊसाहेब दांगडे यांच्या निर्देशानुसार शिक्षण विभागाने देखील कंबर कसली असून महापालिकेचे शिक्षणाधिकारी विजय सरकटे यांचे मार्गदर्शनाखाली महापालिकेच्या सर्व शाळांमध्ये तसेच महापालिका परिक्षेत्रातील इतर शाळांमध्ये देखील “घरोघरी तिरंगा” या उपक्रमासाठी दिनांक ०१ ऑगस्ट पासून शालेय विद्यार्थ्यांच्या प्रभात फेऱ्या घेण्यात येत आहेत, त्याचप्रमाणे खऱ्या अर्थाने हा उपक्रम घरोघरी पोहोचविण्याच्या अनुषंगाने महापालिकेच्या प्रत्येक शाळेत पालक सभा ही आयोजित करण्यात येत आहे आणि आता “घरोघरी तिरंगा” या उपक्रमाच्या जनजागृतीसाठी गुरुवार दिनांक १२ ऑगस्ट २०२२ रोजी कल्याण व डोंबिवली विभागांतर्गत शाळा महाविद्यालयीन विद्यार्थी, एनएसएस, एनसीसी, स्काऊट गाईड चे विद्यार्थी त्यांच्या भारतीय संस्कृती पोशाखातील प्रभाग फेरीचे आयोजन करण्यात आले आहे.

कल्याण मध्ये या प्रभाग फेरीचा प्रारंभ १२ ऑगस्ट रोजी सकाळी ८.०० वाजता बिर्ला महाविद्यालयातून होणार असून बिर्ला महाविद्यालय- आरटीओ कार्यालय – वाणी विद्यालय – साई चौक – राधानगर – वायले नगर – त्रिवेणी गार्डन – शासकीय गोडाऊन – लालचौकी – पारनाका – गांधी चौक – सुभाष मैदान येथे पोहोचून सामूहिक राष्ट्रगीता नंतर या प्रभाग फेरीची सांगता होईल तर डोंबिवली मध्ये गुरुवारी सकाळी ८.०० वाजता सावळाराम क्रीडा संकुल घरडा सर्कल येथून प्रभाग फेरीचा प्रारंभ होणार असून सावळाराम क्रीडा संकुल – घरडा सर्कल – शेलार नाका, शाळेकडून, गोग्रासवाडी रोड – गोपाल नगर मार्ग – टायटन शोरूम जवळून टिळक पुतळा चौक मार्गे फते अली शाळा येथे पोहचून सामूहिक राष्ट्रगीतानंतर या प्रभाग फेरीची सांगता होईल असे या प्रभात फेरीचे नियोजन असल्याचे शिक्षणाधिकारी विजय सरकटे व वंदना गुळवे उपायुक्त (शिक्षण संस्था) यांच्या कडून प्रसिद्धी माध्यमांना सांगण्यात आले आहे.

संपादक: मोईन सय्यद / प्रतिनिधी: अवधुत सावंत

राज्यातील एकनाथ शिंदे – देवेंद्र फडणवीस सरकारला मंत्रिमंडळ विस्तरावरून आज डोंबिवलीतील मनसे पक्षातील एकमेव आमदार राजू पाटील यांनी ‘ट्विटर’ द्वारे खोचक सवाल केला होता. सरकारच्या बाजूने मतदान करणारे मनसे आमदार राजू पाटील यांनी केलेल्या ट्विटमुळे राजकीय वर्तुळात सर्वांच्या भुवया उंचावल्या आहेत.

राज्यातील शिंदे-फडणवीस सरकारला मंत्रिमंडळ विस्तारासाठी उद्याचा मुहूर्त सापडलेला असताना आणि सरकार मंत्र्यांची यादी बनविण्यात व्यस्त असताना मनसेचे एकमेव आमदार राजू पाटील यांनी मात्र सरकारला ट्विटरद्वारे सज्जड दमवजा इशारा दिला आहे. डोंबिवली आणि कल्याण ग्रामीण भागातील रखडलेली रस्त्यांची कामे रस्त्यांची झालेली दुरावस्था याबाबत मनसे आमदार राजू पाटील यांनी पुन्हा एकदा सरकारला लक्ष्य केलं आहे. या पूर्वी मनसे आमदार पाटील यांनी ट्विटरवरून मुख्यमंत्री एकनाथ शिंदे यांना सवाल केला होता, तर आता त्यांनी सरकारला थेट इशाराच दिला आहे.

कल्याण-डोंबिवली खड्ड्यावर काय बोलले मनसे पक्षाचे एकमेव आमदार राजू पाटील ?

डोंबिवलीतील एमआयडीसी भागात रस्त्यांची कामे सुरू व्हावीत यासाठी बॅनर फाटले, उलटे लावून झाले, तरी कामे अजून सुरू झाली नाहीत, असा खोचक टोला राजू पाटील यांनी सरकारला लगावला. पुढे बोलताना ते म्हणाले की, आम्ही यांना समर्थन दिले याचा अर्थ असा नाही की वाईट गोष्टींनाही आमचं समर्थन असेल. कोणीतरी बोलायला पाहिजे, ते आम्ही बोलतं आहोत. या मागची भावना व भूमिका कोणावर टीका करण्याची नाही, तर या कामाकडे लक्ष द्यावे अशी आहे. जिथे कामे झालेली नसतील तिथे आम्ही बोलणारच. आम्ही हिंदुत्वाच्या मुद्द्यावर सरकारला पाठिंबा दिला याचा अर्थ असा नाही जे चाललंय ते सर्वच आम्ही खपवून घेऊ. जिथे अन्याय दिसेल तिथे आम्ही बोलणार, आमच्या पद्धतीने मांडणार, असा सज्जड दमवजा इशारा मनसे आमदार राजू पाटील यांनी सरकारला दिला आहे.

ठाणे जिल्ह्याचे पालकमंत्रीच आता राज्याचे मुख्यमंत्री असताना निदान जिल्ह्यातील रस्त्यावरील खड्डे तरी भरले जावेत हीच अपेक्षा !

पाऊस जोरात होता, त्यावेळी खड्डे भरता येत नाही हे समजू शकतो, मात्र त्यानंतर मुख्यमंत्र्यांनी टास्क फोर्स बनवण्याची घोषणा केली. मात्र तसे कुठे डोंबिवली – कल्याणमध्ये कुठेही झालेले नाही. इथे सगळे तात्पुरते काम करून जात आहेत. इथे प्रशासक आहे, लोकप्रतिनिधी नाहीत, राज्यात मंत्रिमंडळ नाही, ४० दिवस झाले आता, दाद मागायची कुठे ? असा खोचक टोला राजू पाटील यांनी सरकारला लगावत ‘ठाणे जिल्ह्याचे पालकमंत्री हेच आता मुख्यमंत्री असताना आता तरी खड्डे भरले जावेत’, एव्हडीच अपेक्षा आहे अशी मागणी मनसे चे एकमेव आमदार राजू पाटील यांनी केली.

संपादक: मोईन सय्यद / प्रतिनिधी: अवधुत सावंत

बिहारच्या राजकारणात मोठा भूकंप झाला असून नितीशकुमार यांचे सरकार कोसळले आहे. मुख्यमंत्री नितीशकुमार यांनी भाजप पासून अधिकृतपणे फारकत घेतली आहे. त्यानंतर ते आज दुपारी राज्यपाल फग्गु चौहान यांची भेट घेवून लालू प्रसाद यादव यांच्या राष्ट्रीय जनता दलासोबत नव्या आघाडी सरकारच्या स्थापनेचा दावा करण्याची शक्यता आहे. नितीशकुमार यांनी राज्यपालांच्या भेटीची वेळही मागितली आहे.

दरम्यान, नितीशकुमार यांच्या या भेटीपूर्वी भाजपच्या १६ मंत्र्यांनी आपल्या मंत्रिपदाचा राजीनामा दिला आहे. या सर्वांनी राज्यपालांकडे आपला राजीनामा सादर केला असून नितीशकुमार सरकारचा पाठिंबा काढून घेतला असल्याचे पत्रही दिले आहे. उद्या किंवा परवा नितीशकुमार पुन्हा मुख्यमंत्रीपदाची शपथ घेण्याची शक्यता आहे.

नितीशकुमार आणि भाजपमध्ये गेल्या अनेक दिवसांपासून शीतयुद्ध सुरू आहे. महिन्याभरातील घडामोडींवर नजर टाकल्यावर नितीश कुमार आणि भाजपमध्ये सर्व काही आलबेल सुरु असल्याचे दिसून येत नाही. नितीश कुमार यांनी एका महिन्यापासून भाजप पासून अंतर ठेवले आहे.

त्यामुळे नितीश कुमार आणि भाजपमध्ये काडीमोड होवून बिहारमध्ये ११ ऑगस्टपूर्वी ‘एनडीएचे सरकार’ पडेल आणि नितीश पुन्हा ‘राजद’ सोबत सरकार स्थापन करतील असे अंदाज बांधले जात होते.