लोकहित न्युज

संपादक: मोईन सय्यद / प्रतिनिधी: अवधुत सावंत

माजी पर्यावरण मंत्री आदित्य ठाकरे यांनी शेंद्री पाडा येथे काही महिन्यांपूर्वीच लोखंडी पूल उभारला होता त्र्यंबकेश्वर तालुक्यात मुसळधार पावसाची संततधार सुरु असल्याने नद्या, नाले,ओहोळ, अगदी गटारीसुद्धा दुथडीभरून वाहत आहेत त्यामुळे अनेक ठिकाणी पूर परिस्थिती देखील निर्माण झाली आणि याच पुराच्या पाण्यात हा लोखंडी पूल वाहून गेला आहे यामुळे येथील महिलांना पुन्हा एकदा लाकडी बल्ल्यांवरून पाण्याची हंडे घेऊन जाण्याची कसरत करावी लागत आहे.

पंचक्रोशितील पाणीटंचाईच्या पार्श्वभूमीवर तत्कालीन पर्यावरण मंत्री आदित्य ठाकरे यांच्या आदेशानुसार येथे लोखंडी पूल देखील उभारण्यात आला होता. त्यानंतर काही दिवसांनी आदित्य ठाकरे यांच्या हस्ते या पुलचे उदघाटनही झाले होते मात्र पहिल्याच पावसात पुलाने अखेरचा श्वास घेतला हे दुर्दैव.

हा पुलचं वाहून गेल्याने महिलांना पुन्हा लाकडी बल्ल्यावरून प्रवास करावा लागत आहे.म्हणून तिकडे सरकार कोसळले आणि इकडे आदित्य ठाकरेंनी उभारलेला पूल पुरात वाहून गेल्याची चर्चा त्र्यंबकवासीयांमध्ये आहे हे खरं.

संपादक: मोईन सय्यद / प्रतिनिधी: अवधुत सावंत

राज्यातील सत्तासंघर्षाची ठिणगी ही शिवसेना आमदारांच्या बंडाने पडली व त्याने महाविकास आघाडी सरकार पायउतार झाले. शिंदे-फडणवीस सरकार अस्तित्वात आल्यानंतर सत्तेची समीकरणे नक्कीच बदलली, सोबतच काही पक्षांच्या अस्तित्वाचाच प्रश्न हल्ली नेमका निर्माण झाला आहे. आज आमदारांच्या अपात्रतेवर सर्वोच्च न्यायालयात सुनावणी सुरु आहे, सोबतच शिवसेना नेमकी कुणाची या मुद्द्यावर देखील सुनावणी दरम्यान प्रकाश टाकण्यात येणार आहे.

एकप्रकारे पक्षप्रमुख उद्धव ठाकरे यांच्या पक्षातील स्थानावर प्रश्नचिन्ह उपस्थित झाले असून शिंदे गटाला आमदार, खासदार, नगरसेवक इत्यादींचे मोठ्या प्रमाणात समर्थन असल्याने न्यायालयाने शिंदे गटाच्या बाजूने निर्णय दिल्यास शिवसेना प्रमुखपद देखील उद्धव ठाकरेंना गमवावे लागू शकते. याशिवाय संसद भवनातील शिवसेना भावनावर शिंदे गटाचा अधिकार यामुळे स्थापित होईल. दुसरीकडे मनसे पक्षाचा प्रभाव येत्या महापालिका निवडणुकीत कसा असेल, यावर देखील मनसेचे भवितव्य अवलंबून असणार आहे.

आज पक्षबांधणी व येत्या महापालिका निवडणुकीबाबत चर्चेकरिता पक्ष नेते व कार्यकर्त्यांसोबत पक्षाध्यक्ष राज ठाकरे आढावा बैठक मुंबईत विविध शाखेत घेत आहे. त्यामुळे सध्याचे राजकीय वारे बघता मनसेकरिता सुद्धा अस्तित्वाची लढाई निर्माण झाली आहे. दोन्ही पक्षाचे बळ राज्यापुरते मर्यादित आहे परंतु शिंदे गटासोबत भाजप सारख्या राष्ट्रीय पक्षाची साथ असल्याने सध्या एकनाथ शिंदे यांचे पारडे जड आहे. परंतु खरी लढाई उद्धव ठाकरे – महाविकास आघाडी विरुद्ध शिंदे गट – भाजप अशी असल्याने आज होणारा सर्वोच्च न्यायालयातील निकाल पुढील घडामोडी स्पष्ट करेल, हे नक्की.

संपादक: मोईन सय्यद / प्रतिनिधी: अवधुत सावंत

वर्धा जिल्ह्याच्या हिंगणघाट येथील अतिवृष्टीग्रस्त नागरिकांची आणि नुकसानग्रस्त शेतीची पाहणी आज उपमुख्यमंत्री देवेंद्र फडणवीस यांनी याठिकाणी भेट देऊन केली तसेच अतिवृष्टीग्रस्तांशी संवाद साधला.

भाजपा नेते आमदार चंद्रशेखर बावनकुळे, खासदार रामदास तडस, आमदार समीर कुणावार आदी त्यांच्यासोबत होते. वर्धा जिल्ह्याच्या हिंगणघाट मधील कान्होली या गावाचा पुरामुळे संपर्क तुटला होता. अतिवृष्टीग्रस्तांना ग्राम पंचायातीमध्ये ठेवण्यात आले आहे. गावाला भेट देऊन उपमुख्यमंत्री देवेंद्र फडणवीस यांनी गावकऱ्यांशी संवाद साधला. त्यांच्या समस्या जाणून घेतल्या.

अतिशय कठीण परिस्थितीमध्ये लोकांना वाचविण्याचे काम शासकीय यंत्रणांनी केले आहे आणि अजूनही ते करीत आहेत असे उपमुख्यमंत्री देवेंद्र फडणवीसांनी यावेळी सांगितले. दुबार पेरणी सुद्धा संकटात आली आहे, शेतकऱ्यांना योग्य मदत राज्य सरकारतर्फे दिली जाईल असे फडणवीस यांनी स्पष्ट केले.

फडणवीस यांनी वर्धा जिल्ह्याच्या पूरग्रस्त भागाची पाहणी केली व त्यांनी पूरग्रस्तांच्या समस्या जाणून घेत त्यांनी चंद्रपूर जिल्ह्यातील विविध पूरग्रस्त आणि अतिवृष्टी ग्रस्त शेतकऱ्यांची विचारपूस केली तसेच नुकसानग्रस्त शेतीची पाहणी केली.