लोकहित न्युज

संपादक: मोईन सय्यद / प्रतिनिधी: अवधुत सावंत

पत्नी वारंवार फोनवर बोलत असल्याने तिचे अनैतिक संबंध असल्याचा संशय घेऊन पतीने तिच्यावर बळजबरीने अत्याचार करीत पत्नीच्या गुप्तांगावर बियरच्या बाटलीने जखमा करून खून केल्याची घटना घडली होती. ही घटना शहापूर तालुक्यातील बिरवाडी परिसरात घडली होती. याच गुन्ह्यातील आरोपी पतीला पत्नीच्या हत्येप्रकरणी दोषी ठरवत कल्याण जिल्हा सत्र न्यायालयाचे न्यायाधीश शौकत गोरवाडे यांनी जन्मठेपेची शिक्षा ठोठावली आहे. संतोष शेळके असे जन्मठेपेची शिक्षा सुनावलेल्या आरोपी पतीचे नाव आहे.

मृत सुनीता आणि आरोपी पतीचा २० वर्षापूर्वी विवाह

मृत सुनीता संतोष शेळके (वय:४० वर्षे) हिचा विवाह १९९४ साली बिरवाडीत राहणाऱ्या आरोपी संतोषशी झाला होता. लग्नानंतर त्यांना एक मुलगा आणि मुलगी झाली. त्यातच २०१७ पासून पती कामधंदा करीत नव्हता शिवाय त्याला दारूचे व्यसन जडले होते. त्यामुळे मृत पत्नीवर २०१८ पासून कुटुंबाच्या पालनपोषण करण्याची जबाबदारी पडली. त्यामुळे ती बिरवाडीजवळच असलेल्या एका भगर मिलमध्ये कामाला जात होती.

पत्नीच्या चारित्र्यावर निष्कारण संशय

त्या कामानिमित्त मृत सुनीता वारंवार फोनवर बोलत असत, मात्र आपल्याला बघून पत्नी फोन बंद करते, असा संशय आणि राग आरोपी पती संतोषच्या मनात धुमसत होता. या कारणास्तव तिच्या चारित्र्यावर संशय घेत होता. याच संशयातून त्याने ३० एप्रिल २०१८ रोजी पत्नीला काही बहाण्या निमित्त दुपारच्या सुमारास गावाजवळच्या सिमेंटच्या पाइपाजवळ बोलवून तिच्याशी दोन वेळा शरीर संबंध ठेवले. त्यानंतर बियरच्या काचेच्या बाटली फोडून तिच्या गुप्तांगाच्या भागावर जखमा करून तिच्याच साडीने गळा आवळून तिचा खून केला. त्यानंतर संतोषनेच त्या रात्री घरी पत्नी आली नसल्याचा कांगावा केला होता.

मृतदेह सापडल्यावर तपासाला गती

सुनीताचा मृतदेह गावाजवळच्या सिमेंटच्या पाइपाजवळ आढळून आल्यानंतर शहापूर पोलीसांनी घटनास्थळी धाव घेऊन पंचनामा करीत मृतक भावाच्या तक्रारीवरून अज्ञात आरोपीविरोधात भादवी कलम ३०२, ३७६, २०१ प्रमाणे शहापूर पोलीस ठाण्यात गुन्हा दाखल करून पोलीसांनी तपास सुरू केला. घटनेचे गांभीर्य ओळखून शहापूरचे उपविभागीय पोलीस अधिकारी आणि वरिष्ठ पोलीस निरीक्षक राजकुमार उपासे यांच्या मार्गदर्शनाखाली पोलीस निरीक्षक एम. व्ही. शेट्ये यांनी पथकासह आरोपीचा शोध सुरू केला असता आरोपी हा मृतकचा पतीच असल्याचे पोलीस तपासात समोर येताच त्याला पत्नीच्या खून व अत्याचार प्रकरणी १ मे २०१८ रोजी अटक केली होती.

           ऍड.सचिन कुलकर्णी

सरकारी पक्षातर्फे बाजू मांडली

आरोपीला कल्याण जिल्हा सत्र न्यायालयात सुनावणी वेळी मुख्य पैरवी अधिकारी सहा, पोलीस उपनिरीक्षक एस.बी. कुटे हे हजर करीत होते. हा खटला अंतिम सुनावणीला आल्यानंतर न्यायालयात या प्रकरणी सरकारी पक्षातर्फे ऍड.सचिन कुलकर्णी यांनी प्रभावी बाजू मांडली. न्यायालयाने दोन्ही बाजू, साक्षी पुरावे तपासून पहिले असता पतीनेच संशयावारुन पत्नीचा खून केल्याचे साक्षी पुराव्यावरून सिद्ध झाल्याने न्यायालयाने आरोपी पतीला जन्मठेपेची व एक हजार रुपये दंड, दंड न भरल्यास १ महिना कारावास अशी शनिवारी (४ जून) रोजी शिक्षा सुनावल्याची माहिती सरकारी वकील ऍड.सचिन कुलकर्णी यांनी प्रसिद्धी माध्यमांशी बोलतना सांगितले.

संपादक: मोईन सय्यद / प्रतिनिधी: अवधुत सावंत

मा.श्री.कांतीलाल उमाप सो, आयुक्त, राज्य उत्पादन शुल्क, महाराष्ट्र राज्य, मुंबई श्री. सुनील चव्हाण सो, संचालक (अ.व.द. मुंबई) श्री प्रसाद सुर्वे सो. विभागीय उप-आयुक्त, राज्य उत्पादन शुल्क, कोकण विभाग, ठाणे.व श्री. डॉ.निलेश सांगडे सो. अधीक्षक, राज्य उत्पादन शुल्क, ठाणे यांच्या मार्गदर्शनाखाली श्री.किरणसिंग देवीसिंग पाटील, निरीक्षक, राज्य उत्पादन शुल्क, डोंबिवली, श्री.मल्हारी.एस. होळ, श्री.सागर धिंदसे दुय्यम निरीक्षक, श्री.पी.ए. महाजन सहाय्यक दुय्यम निरीक्षक, अमृता नगरकर, प्रीती पाटील, हनुमंत देवकते जवान व शिवराम जाखीरे जवान आणि वाहन चालक यांनी जामा मशिदच्या समोर, कौसा मुंब्रा पोलीस स्टेशनच्या बाजूला, कौसा मुंब्रा, ता.जिल्हा. ठाणे या ठिकाणी बेकायदेशीर हातभट्टी दारू वाहतुकीवर प्रोहीबिशन गुन्हा अंतर्गत छापा टाकून गुन्हा नोंदवून एक चारचाकी वॅगनआर गाडी जप्त केली असून त्यात एकूण ६४० लिटर हातभट्टी दारू असा एकूण ₹. १,७८,६०० चा मुद्देमाल जप्त करण्यात आलेला आहे. या उत्तम कारवाईवर सर्व थरातून त्यांच्यावर अभिनंदनाचा वर्षाव करण्यात येत आहे.