लोकहित न्युज

संपादक: मोईन सय्यद / प्रतिनिधी: अवधुत सावंत

सविस्तर वृत्त असे की नार्कोटिक्स च्या गुन्ह्यात बाजारपेठ पोलीस स्टेशन मध्ये दोन वर्षापासून गुन्हा रजिस्टर नंबर ३००/२०२० एनडीपीएस कायदा १९८५ कलम ८ (क) १७ व २९ (नार्कोटिक्स) या गुन्ह्यामध्ये मागील दोन वर्षांपासून फरार असलेला तसेच जन्मापासून एका डोळ्याने अधू असलेला आरोपी नामे जेठालाल हिमताराम चौधरी हा स्वतःस कुणी ओळखू नये म्हणून सतत डोळ्यावर काळा गॉगल लाऊन वावरायचा.

सदर आरोपी नामे जेठाराम हा कल्याण येथील एपीएमसी मार्केट येथे येणार असल्याची बातमी पोलीस नाईक सचिन साळवी यांना मिळताच सदरची बातमी वरिष्ठ पोलीस निरीक्षक श्री नरेंद्र पाटील यांना कळवून त्यांचे मार्गदर्शनाखाली सापळा रचला व डिटेक्शन ब्रांच चे सपोनि घोलप, व डिटेक्शन टीमचे पोह पावशे, पोह जातक, पोना सचिन साळवी, पोना बाविस्कर, पोना सांगळे, यांनी फरार आरोपी जेठाराम हिमताराम चौधरी (वय: २७ वर्षे) राहणार गुरुदेव ट्रेडर्स, हीम गंगा अपार्टमेंट, नांदिवली कल्याण (पूर्व) याला शिताफीने ताब्यात घेतले व बेड्या ठोकून गजाआड केले. पुढील तपास बाजारपेठ पोलीस स्टेशन चे सपोनि घोलप करीत आहेत.

संपादक: मोईन सय्यद / प्रतिनिधी: अवधुत सावंत

नफा मिळवून देण्याचे बहाण्याने आमिष दाखवून आर्थिक फसवणूक करणारा आणि इंस्टाग्रामवर महिलेचे आक्षेपार्ह फोटो टाकणाऱ्या अनिल पेदुरी आणि कुंजन शहा यांना विष्णुनगर पोलीसांनी अटक केली आहे.

मोबाईल नंबर वरून दोन वेग-वेगळ्या फिर्यादी अभिषेक कामत यांच्याशी संपर्क साधून त्यांना पैशाची गुंतवणूक करण्यास सांगून नफा मिळवून देतो असे आमिष दाखवून रोबो टेंडरला रक्कम जमा करा असे सांगून फिर्यादीची ४,५०,००० रुपये फसवणूक केली असल्याबाबत विष्णुनगर पोलीस ठाण्यामध्ये गुन्हा दाखल करण्यात आला होता. सदर गुन्ह्याचे अनुषंगाने पोलीसांनी तपास करून मिळवलेल्या माहितीच्या आधारे सुरत या ठिकाणाहून अनिल पेदूरी यास अटक केली गेली आहे.

तसेच कुंदन शहा याने फिर्यादी महिलेचे इंस्टाग्राम वर खोटे अकाऊंट तयार करून त्याद्वारे फिर्यादी महिलेच्या सासरच्या लोकांच्या मोबाईल नंबर वर आणि सदर इंस्टाग्राम वर फिर्यादी महिलेचे आक्षेपार्ह फोटो आणि व्हिडिओ प्रसारित करून फिर्यादीची बदनामी केली असल्याबाबत विष्णुनगर पोलीस ठाण्यात गुन्हा दाखल करण्यात आला होता.सदर गुन्ह्याच्या अनुषंगाने पोलीसांनी तपास करून वडोदरा गुजरात या ठिकाणी सापळा रचून कुंदन शहा यास अटक केली आहे.

सदरची यशस्वी कामगिरी पोलीस उपायुक्त सचिन गुंजाळ परिमंडळ-३ कल्याण, सहाय्यक पोलीस आयुक्त जे.डी मोरे डोंबिवली विभाग, वरिष्ठ पोलीस निरीक्षक पंढरीनाथ भालेराव यांच्या मार्गदर्शनाखाली पोलीस निरीक्षक कुलदिप मोरे, पोना पवार, पोशि के.ए.भामरे यांनी केली आहे.