लोकहित न्युज

संपादक: मोईन सय्यद / प्रतिनिधी: अवधुत सावंत

दि.३०.११.२०२१ रोजी रात्री ८.०० च्या दरम्यान डोंबिवली पोलीस स्टेशनच्या रेकॉर्डवरील सराईत तडीपार गुंड – सनी परशुराम जाधव हा ज्योती नगर झोपडपट्टी परिसरात डोंबिवली पूर्व येथे येणार असल्याची वर्णनासह गुप्त बातमीदारा मार्फत खात्रीशीर बातमी पोलीस हवालदार – दत्‍ताराम भोसले मुख्यालय ठाणे शहर, यांना मिळाल्याने त्यांनी गुन्हे शाखा युनिट-३ चे वरिष्ठ पोलीस निरीक्षक मनोहर पाटील यांना फोनद्वारे संपर्क करून कळवल्याने त्यांचे मार्गदर्शनाखाली तात्काळ एक पथक पोउपनिरी- मोहन कळमकर,सपोउपनिरी- संजय माळी, पोलीस हवालदार-वसंत बेलदार, सचिन वानखेडे, विश्वास माने यांना बातमी मिळाल्या ठिकाणी तात्काळ रवाना केले.

सदर ज्योतीनगर परिसरात पोलीस दबा धरून बसलेले असताना दिलेल्या वर्णनाप्रमाणे एक इसम दुर्गा माता मंदिरासमोर फिरत असताना दिसला त्यास पोलीस पकडण्यास जवळ जात असताना त्याला पोलीसांचा संशय येताच तो पळण्याच्या तयारीत असताना त्यास झडप घालून पकडले, त्याचे नाव विचारता त्याने त्याचे नाव सनी परशुराम जाधव (वय ३८) वर्षे रा.ज्योती नगर झोपडपट्टी आयरे गाव डोंबिवली पूर्व, असे सांगितले सदर आरोपीत इसम डोंबिवली पोलीस स्टेशन रेकॉर्डवरील धारदार शस्त्राने वार करणारा खतरनाक नामचीन गुंड असून त्याच्यावर ५ गुन्हे दाखल असून त्याची दहशत असल्याने त्यास मा.पोलिस उप आयुक्त सोा,परिमंडळ – ३ कल्याण यांचे आदेशान्वये दि.२४.०८.३०२१ रोजी पासून ठाणे जिल्ह्यातून एक वर्षाकरिता हद्दपार (तडीपार) करण्यात आलेले असताना त्याने सदर आदेशाचा भंग केल्याने त्याच्या वर गुन्हे शाखा युनिट-३ कल्याण कडून महाराष्ट्र पोलीस कायदा कलम १४२ प्रमाणे कायदेशीर कारवाई करून पुढील तपासा करिता डोंबिवली पोलीस स्टेशनच्या ताब्यात देण्यात आले असून सदर तडीपार गुंडावर गुन्हे शाखा युनिट-३ कल्याण चे पोलीसांनी कारवाई करून जेरबंद केल्याने सर्वत्र त्यांचे कौतुक होत आहे.

संपादक: मोईन सय्यद / प्रतिनिधी: अवधुत सावंत

दि.२.११.२०२१ रोजी सायंकाळी ६:३० वा दरम्यान मानपाडा पोलीस स्टेशनच्या रेकॉर्डवरील हद्दपार (तडीपार) केलेला इसम कैलास सुभाष जोशी उर्फ जेपी हा त्रिमुर्ती नगर झोपडपट्टीत त्याचे राहते घरा जवळ उभा आहे, अशी त्याचे वर्णनासह गुप्त बातमीदारा कडून खात्रीशीर बातमी पोलीस हवालदार दत्‍ताराम भोसले, मुख्यालय ठाणे शहर यांना मिळाल्याने, त्यांनी तात्काळ गुन्हे शाखा युनिट-३ चे मा.वरिष्ठ पोलीस निरीक्षक मनोहर पाटील यांच्याशी फोनद्वारे संपर्क साधून कळवले असता, वपोनि मनोहर पाटील यांनी विलंब न लावता त्यांचे मार्गदर्शनाखाली योग्य त्या सूचना देऊन तात्काळ डोंबिवली पोलीस ठाण्याच्या हद्दीत फरारी गुन्हेगार व पाहिजे असलेले आरोपींचा शोध घेत असलेले एक पोलीस पथक सपोनि भूषण दायमा, पोउपनि मोहन कळमकर, सपोउपनि संजय माळी, पोलीस हवालदार विश्वास माने, वसंत बेलदार, सचिन वानखेडे, गुरुनाथ जरग, महेश साबळे, उमेश जाधव आणि राहुल ईशी असे सदर बातमी मिळाल्या ठिकाणी तात्काळ रवाना केले.

त्रिमुर्तीनगर झोपडपट्टीत त्याचे घरा चे बाजूलाच गल्ली जवळ सदर इसम उभा होता, मिळालेल्या वर्णनाप्रमाणे त्यास पथकातील एका पोलीसांनी ओळखले परंतु त्याचे घराचे पुढील व मागील बाजूने पोलीसांनी घेराव केल्याने त्यास पळून जाण्याची संधी न देता जागीच पकडले असता त्याचे नाव विचारता त्याने आपले नाव- कैलास सुभाष जोशी उर्फ जेपी (वय ३५ वर्ष) रा. पोपट किराणा स्टोर च्या मागे रूम नं. ०५ त्रिमुर्तीनगर झोपडपट्टी, पाथरली डोंबिवली पूर्व असे सांगितले सदर इसम हा अटल घरफोडी, चोरी करणारा आणि अतिशय चपळ असल्याने मानपाडा, डोंबिवली, विष्णूनगर,असे पोलीस ठाण्यात घरफोडी, चोरीचे अनेक गुन्हे दाखल आहेत, नागरिकांच्या मालमत्तेस नुकसान पोहोचवू नये म्हणून त्यास मा.पोलिस उप आयुक्त सोा, परिमंडळ -३ कल्याण यांचे आदेशान्वये दि.२६.१०.२०२१ रोजी पासून ०१ वर्षे कालावधी करिता ठाणे जिल्ह्यातून हद्दपार (तडीपार) करण्यात आलेले असताना त्याने सदर आदेशाचा भंग केल्याने त्याच्या वर गुन्हे शाखा युनिट-३ कल्याण चे पोलीसांकडून महाराष्ट्र पोलीस कायदा कलम १४२ प्रमाणे कायदेशीर कारवाई करून पुढील तपासा करिता डोंबिवली पोलीस स्टेशनच्या ताब्यात देण्यात आले असून सदर तडीपार केलेल्या अट्टल घरफोडी चोरी करणाऱ्या गुन्हेगारावर गुन्हे शाखा युनिट-३ कल्याण चे पोलीसांनी कारवाई करून जेरबंद केल्यामुळे पोलीसांचे उत्कृस्ट कामगिरीचे नागरिकांकडून जाहीररीत्या कौतुक होत आहे.

संपादक: मोईन सय्यद / प्रतिनिधी: अवधुत सावंत

डोंबिवली पूर्वेकडील एमआयडीसी मानपाडा रोड बाज आर.आर. हॉस्पिटल, येथील वैद्यकीय अधिकारी डॉ. श्वेता सिंग या दिनांक २४/११/२०२१ रोजी सकाळी १० वा चे सुमारास नेहरू मैदान, डोंबिवली पूर्व येथून रिक्षाने आर.आर हॉस्पिटल येथे जात असताना त्यांचा आयफोन ७, किंमत सुमारे २५,०००/- रुपये हा मोबाईल रिक्षामध्ये विसरला गेला होता. ही बाब लक्षात आली तेव्हा त्यांचा मोबाईल स्वीच ऑफ झाला होता. त्यांनी तात्काळ डोंबिवली वाहतूक शाखा येथे संपर्क करून सदरबाबत माहिती दिली. त्यानंतर डोंबिवली वाहतूक शाखेचे पोशि.स्वप्नील जाधव यांनी त्या रोडवरील साई पारिजात सोसायटी, गुरू छाया सोसायटी, डोंबिवली पूर्व या सोसायटीचे सीसीटीव्ही कॅमेरे तपासून रिक्षा चा शोध घेण्याचा प्रयत्न केला पण कॅमेरा व रोडवरील अंतर जास्त असल्याने रिक्षा क्रमांक दिसत नव्हता. परंतु रिक्षा व रिक्षा चालकाच्या मिळालेल्या अस्पष्ट वर्णनावरून रिक्षा चालकाचा शोध घेऊन सदरचा मोबाईल शोधून आर.आर हॉस्पिटल चे प्रतिनिधी यांच्या ताब्यात दिलेला आहे.

डोंबिवली वाहतूक शाखेच्या या तत्परतेबद्दल आर.आर हॉस्पिटल चे संचालक डॉ.आमिर कुरेशी व डॉ.श्वेता सिंग यांनी वपोनि उमेश गित्ते यांचे आभार व्यक्त केले आहेत.