लोकहित न्युज

संपादक: मोईन सय्यद / प्रतिनिधी: अवधुत सावंत

राज्याचे मुख्यमंत्री उद्धव ठाकरे यांच्या बाबत केंद्रीय मंत्री नारायण राणे यांनी केलेल्या आक्षेपार्ह वक्तव्यावरून आज उल्हासनगर महानगरपालिकेबाहेर शिवसैनिकांनी भाजपा नगरसेवकाला काळे फासून चोप दिल्याची घटना घडली आहे. या घटनेने पुन्हा उल्हासनगर मधील सेना-भाजपा वाद उफाळून आला आहे. आज उल्हासनगर मधील सात ते आठ शिवसैनिकांनी भाजपा नगरसेवक प्रदीप रामचंदानी यांच्या तोंडाला काळे फासत चांगलाच चोप दिला.

या हल्ल्याबद्दल रामचंदानी यांनी म्हटलं की उल्हासनगरचे शिवसेना शहरप्रमुख राजेंद्र चौधरी यांनी हा हल्ला केला आहे. यावेळी बोलताना ते म्हणाले, मी, चौधरी यांच्या अनधिकृत बांधकामाबद्दल तक्रारी करत होतो. याचा राग मनात धरून हा हल्ला चौधरी यांच्या माणसांनी केला आहे.

उल्हासनगर मध्ये नारायण राणेंवर टीका करताना सेनेच्या ‘या’ आमदाराची जीभ घसरली
दरम्यान, प्रदीप रामचंदानी यांनी केलेल्या आरोपाबद्दल राजेंद्र चौधरी यांना विचारलं असता त्यांनी अनधिकृत बांधकाम कोण करत आहे हे सर्वांना माहीत असून, प्रदीप हे ‘सोशल मीडिया’वर शिवसेनेची अनेकदा बदनामी करत असतात. तसेच नारायण राणें यांनी केलेल्या वक्तव्यावर आज आम्ही राणेंच्या पिलावळी शोधतच होतो, तेव्हा महानगरपालिकेबाहेर शिवसैनिकांना रामचंदानी भेटले आणि त्यांना शिवसेना स्टाईल मध्ये उत्तर दिलं आहे. असे, राजेंद्र चौधरी म्हणाले.

आता या मारहाण प्रकरणी उल्हासनगर मधील मध्यवर्ती पोलीस ठाण्यात प्रदीप रामचंदानी यांच्या फिर्यादीवरून सात ते आठ शिवसैनिकांवर गुन्हा दाखल करण्याची प्रक्रिया सुरू आहे असे मध्यवर्ती पोलीस स्टेशन कडून प्रसिद्धी माध्यमांना सांगण्यात आले.

संपादक: मोईन सय्यद / प्रतिनिधी: अवधुत सावंत

राज्याचे मुख्यमंत्री उद्धव ठाकरे यांच्याबाबत आक्षेपार्ह वक्तव्य केल्याप्रकरणी केंद्रीय मंत्री नारायण राणे यांना रत्नागिरी पोलिसांनी अटक केली आहे. नारायण राणे यांच्याविरोधात नाशिकमध्ये गुन्ह्याची नोंद झाली आहे. त्यानंतर राणेंच्या अटकेचे आदेश नाशिक पोलीस आयुक्तांनी दिली होते. मात्र पोलिसांकडे कोणतंही अटक वॉरंट नसल्याचा दावा भाजप नेते प्रमोद जठार यांनी केला. अखेर नाशिक पोलिसांच्या सूचनेनुसार रत्नागिरी पोलिसांनी राणेंना अटक केली असून त्यांना रत्नागिरी कोर्टात हजर केलं जाणार असल्याचं सांगण्यात येत आहे. सध्या राणेंना संगमेश्वर पोलीस ठाण्यात नेण्यात आलं आहे.

अटकपूर्व जामीनासाठी नारायण राणे यांनी रत्नागिरी न्यायालयात जामीन अर्जाची याचिका दाखल केली होती. पण न्यायालायने जामीन अर्ज फेटाळला होता. त्यानंतर तातडीनं याबाबत मुंबई उच्च न्यायालयात सुनावणी घेण्यासाठीही राणेंच्या वकिलांनी प्रयत्न केले. पण मुंबई उच्च न्यायालयानंही याप्रकरणावर तातडीनं सुनावणी देण्यास नकार दिला आहे.

नाशिक पोलिसांनी रत्नागिरी पोलिसांना नारायण राणे यांना ताब्यात घेऊन नाशिक पोलिसांकडे सुपूर्द करण्याच्या सूचना देण्यात आल्या होत्या. त्यानुसार रत्नागिरी पोलिसांनी नारायण राणे यांची सरकारी डॉक्टरांकडून वैद्यकीय चाचणी झाल्यानंतर त्यांना ताब्यात घेण्यात आलं आहे

संपादक: मोईन सय्यद / प्रतिनिधी: अवधुत सावंत

विविध देशातून सोनं आणि इतर मौल्यवान वस्तूंची तस्करी करण्यासाठी तस्कर नवे नवे मार्ग शोधून कस्टम एजन्सींना चकवा देण्याचा प्रयत्न करत असतात. परंतु, तस्करी विरोधात सज्ज असलेल्या कस्टम एजन्सी तस्करांच्या या नव-नवीन पद्धती आणि प्रयत्नांना वारंवार चुकीचं ठरवत असतात.

असंच एक ताजं प्रकरण कर्नाटकातील मंगळुरु आंतरराष्ट्रीय विमानतळावर घडलं आहे. मंगळुरु आंतरराष्ट्रीय विमानतळावरील कस्टम विभागाने चक्क हेअर बँडद्वारे केली जाणारी सोन्याची तस्करी पकडली आहे. तस्करीची ही पद्धत अनोखी असल्याचं अधिकाऱ्यांचं म्हणणं आहे. दुबईहून एअर इंडिया एक्सप्रेस फ्लाईट क्रमांक ‘आय एक्स ३८४’ मध्ये महिलांच्या हेअरबँड मध्ये बसवलेल्या मण्यांच्या आतमधून सोन्याची तस्करी करण्यात येत असल्याचा प्रकार उघडकीस आला आहे.

या प्रकरणी कस्टम विभागाने मंगळुरु आंतरराष्ट्रीय विमानतळावरून एका व्यक्तीला अटक केली आहे. ११५ ग्रॅम वजनाच्या हेअरबँडची एकूण किंमत ५ लाख ५८ हजार रुपये असल्याचं सांगितलं जात आहे. सीमाशुल्क विभागाच्या अधिकाऱ्यांच्या मते, सोन्याची पुनर्प्राप्ती कमी असू शकते. परंतु, तस्करीची ही पद्धत अक्षरशः अनोखी आहे.

तस्करीच्या ‘या’ दोन वेगवेगळ्या घटनांमध्ये सोनं जप्त..

एका घटनेत अधिकाऱ्यांनी ब्लेंडरच्या आर्मेचरमधून सोन्याची तस्करी आणि इतर वैयक्तिक सामानासह केरळमधील कासारगोड येथील एका प्रवाशाला अडवलले. यावेळी त्याच्याकडून १६.८५ लाख रुपये किंमतीचं निव्वळ ३५०.३३ ग्रॅम वजनाचं सोनं जप्त करण्यात आलं आहे अशी माहिती प्रसिद्धी माध्यमांना देण्यात आली.