डोंबिवली एमआयडीसीच्या मिलाप नगर परिसरात रस्त्यावर पडलेल्या खड्डयांविरोधात मनसेने अनोखे आंदोलन करत सत्ताधारी आणि प्रशासनाचा निषेध केला. यावेळी मनसेने स्वखर्चाने या रस्त्यावरील खड्डे भरलेले पाहायला मिळाले. डोंबिवली एमआयडीसी परिसरातील सर्व रस्ते सिमेंट काँक्रीटचे करण्यासाठी ११० कोटी रुपयांचा निधी मंजूर झाला आहे. मात्र अद्याप या रस्त्यांच्या कामाला कोणत्याही प्रकारे सुरुवातच झाली नसल्याचे मनसे जिल्हाध्यक्ष प्रकाश भोईर यांनी सांगितले.
तसेच पावसाळा तोंडावर असताना यापूर्वीच रस्त्यांची कामे केली जाणे आवश्यक होते. गेल्या ७ वर्षांपासून खासदार याठिकाणचे प्रतिनिधित्व करत असूनही एवढा विलंब का लागत असल्याचा सवाल जिल्हाध्यक्ष भोईर यांनी उपस्थित केला. त्यामूळे यासंदर्भात मनसेने आज स्वखर्चाने खड्डे भरण्याचे आंदोलन करत सत्ताधारी आणि प्रशासनाचा विरोध केला.
डोंबिवलीतील गुन्हे शाखा युनिट-३ कल्याण पोलिसांनी छापामारी ची कारवाई करत डोंबिवलीतून तलवारी, बटन चाकू पकडून सदर प्रकरणी एकास अटक केली आहे.
याबाबत वृत्त असे आहे कि, दिनांक ३०.०६.२०२१ रोजी खास बातमीदाराकडुन माहिती मिळाली की, इसम नामे संदीप काष्टे व त्याचा मित्र रवि पवार हे घातपात करण्याचे हेतुने तलवारी, चाकु व धारदार हत्यारे जमा करून संदीप काष्टे हा राहत असलेल्या दुमजली घराच्या वरच्या मजल्यावरील रूममध्ये जमले आहेत. त्या अनुषंगाने लागलीच गुन्हे शाखा युनिट-३ कार्यालय नेमणुकीतील पो.अधिकारी/अंमलदार असे पंचासह मिळालेल्या माहिती प्रमाणे डोंबिवली पुर्व येथे छापामारी कारवाई करणे करिता पाठविले असता सदर ठिकाणी आरोपी रवि राजु पवार हा मिळुन आला सदर ठिकाणी घराची झाडाझडती केली असता, १) १,०००/- रू एक लोखंडी धारदार तलवार, तिस लोखंडी मुळ त्यास पत्र्याचे आवरण असलेली, तिचे पात्याची लांबी २५ इंच व रूंदी दिड इंच असुन पात्याची पुढील बाजु निमुळती असलेली जुवाकिंसु २) १.०००/- रू एक कापडाचे आवरण असलेले पत्र्याचे म्यान असलेली लोखंडी धारदार तलवार, तिस लोखंडी मुठ त्यास पत्र्याचे आवरण असलेली, तिचे पात्याची लांबी २५ इंच व रूंदी दिड इंच असुन पात्याची पुढील बाजु निमुळती असलेली जुवाकिंसु ३) २००/- रू एक लोखंडी धारदार फोल्डींगचा पितळी मुळ असलेला चाकु, मुठेची लांबी ८ इंच, पात्याची लांबी ७ इंच व रूंदी दिड इंच असुन पात्याची पुढील बाजु निमुळती असलेली जुवाकिंसु अशी शस्त्रे मिळुन आली आहेत.
सदर प्रकरणी मिळुन आलेली शस्त्रे जप्त करुन डोबिवली पो.स्टे. येथे फिर्याद नोंद करुन डोंबिवली पो.स्टे. गु.र.नं. १७७/२०२१ शस्त्र अधिनियम कलम ४,२५ सह म.पो.अॅक्ट कलम ३७(१)(३)/१३५ प्रमाणे अन्वये दखलपात्र गुन्हा नोंद करण्यात आला असून, आरोपी रवि राजु पवार, यांस गुन्हयात अटक करण्यात आली आहे तसेच सदर गुन्ह्यातील दुसऱ्या आरोपीस न्यायालयात हजर करण्याची तजवीज ठेवली आहे.
पाहिजे आरोपी संदिप काष्टे याचा शोध सुरु असुन आरोपींनी शस्त्र कोठुन आणली व आरोपीत हे शस्त्रासह काही घातपात, दखलपात्र गुन्हे करणार होते याबाबत गुन्हे शाखा युनिट-३ कल्याण चे पोलीस करत आहे.
सदरची यशस्वी कामगिरी वरिष्ठ पोलीस निरीक्षक संजू जॉन यांच्या मार्गदर्शनाखाली सपोनि भूषण दायमा, पोउपनिरी. नितीन मुदगुन पोउपनिरी. मोहन कळमकर, पोलीस हवालदार राजेंद्र खिलारे, दत्ताराम भोसले, अजित राजपूत, मंगेश शिर्के, सचिन वानखडे, हरिश्चंद्र बंगारा, सचिन साळवी पोलीस अधिकारी आणि अंमलदार यांनी केली आहे.
वाहतुकीचे नियोजन व्हावे आणि अपघाताची संख्या शून्यावर यावी व वाहतूक नियमांचे पालन व्हावे याकरिता सामान्य नागरिकांचा जास्तीत जास्त सहभाग व्हावा यासाठी डोंबिवली शहरात ‘वाहतूक स्वयंसेवक’ ही संकल्पना राबविण्यात येत आहे. या संकल्पने अंतर्गत जो उपक्रम हाती घेण्यात आला आहे त्याचे मूळ उद्दिष्ट वाहतूक नियमन व रस्ता सुरक्षा संदर्भात स्थानिक पातळीवर जनजागृती करणे, लोकसहभागातून वाहतूक नियमन करणे, वाहतुकीची शिस्त राबविणे व समाजाभिमुख कार्यांची जाणीव निर्माण करण्यासाठी मा. श्री.बाळासाहेब पाटील, पोलीस उपायुक्त वाहतूक शाखा, मा. श्री.उमेश माने पाटील, सहाय्यक पोलीस आयुक्त, कल्याण विभाग यांच्या मार्गदर्शनाखाली ‘वाहतूक स्वयंसेवक’ ही संकल्पना शहर वाहतूक उपशाखा डोंबिवली तर्फे राबविण्यात येत आहे. ‘वाहतूक स्वयंसेवक’ संकल्पने अंतर्गत शहर वाहतूक उपशाखा डोंबिवली येथे २२ स्वयंसेवक हे त्यांच्या सुविधे नुसार दोन तास वाहतूक नियमनाकरीता वाहतूक पोलिसांना मदत करणार आहेत.
दिनांक ३०/०६/२०२१ रोजी मा. श्री.बाळासाहेब पाटील, पोलीस उपायुक्त वाहतूक शाखा ठाणे शहर यांच्या हस्ते डोंबिवलीतील २२ वाहतूक स्वयंसेवकांना ‘वाहतूक स्वयंसेवक’ असे लिहिलेले टी-शर्ट , टोपी व मास्क देण्यात आले असून डोंबिवली शहरात ‘वाहतूक स्वयंसेवक’ ही संकल्पना कार्यान्वित करण्यात आलेली आहे.
वाहतूक उपशाखा डोंबिवलीचे पोलीस निरीक्षक श्री.उमेश गित्ते यांनी याद्वारे आवाहन केले आहे की, डोंबिवली शहरातील सुजाण नागरिकांनी सदर संकल्पने मध्ये सहभागी होऊन जनजागृती करावी व वाहतूक पोलिसांना वाहतुकीचे नियमन करण्यास सहभागी होऊन मदत करावी.
महाराष्ट्र सरकारनं कोरोना विषाणू संसर्गाच्या पार्श्वभूमीवर बारावीच्या परीक्षा रद्द करण्याचा निर्णय घेतला आहे. शालेय शिक्षण विभागानं शासन निर्णय काढून बारावी निकालाचा फॉर्म्युला प्रसिद्ध केला आहे. महाराष्ट्र सरकारनं बारावीच्या निकालासाठी दहावी, अकरावी आणि बारावीच्या अंतर्गत मूल्यमापनाचे गुण ग्राह्य धरण्याचा निर्णय घेला आहे. दहावी साठी ३० टक्के, अकरावी साठी ३० टक्के आणि बारावीसाठी ४० टक्के अशी विभागणी करण्यात आली आहे. महाराष्ट्र राज्य माध्यमिक आणि उच्च माध्यमिक शिक्षण मंडळाकडून या सूत्रानुसार मूल्यमापन करण्याचे आदेश महाविद्यालयांना देण्यात येतील.
इयत्ता १० वीच्या गुणांना ३० टक्के भारांश
दहावीच्या बोर्डाच्या परीक्षेत विद्यार्थ्यानं सर्वाधिक गुण मिळवलेल्या तीन विषयांचे सरासरी गुण ग्राह्य धरले जातील.
इयत्ता अकरावी ३० टक्के भारांश
इयत्ता अकरावीच्या वार्षिक मूल्यमापनातील विषयनिहाय गुण
इयत्ता बारावीसाठी ४० टक्के भारांश
बारावीच्या वर्गासाठी ४० टक्के बारांश निश्चित करण्यात आला आहे. यामध्ये प्रथम सत्र निहाय परीक्षा, सराव परीक्षा , सराव चाचण्या आणि तस्तम मूल्यमापन यामधील विषय निहाय गुण यावर विद्यार्थ्यांना गुण दिले जातील.
बारावीच्या अंतर्गत मूल्यमापनातील गुणांना सर्वाधिक वेटेज
बारावी निकालासंदर्भात जारी करण्यात आलेल्या शासन निर्णयानुसार बारावीच्या अंतर्गत मूल्यमापनाला सर्वाधिक वेटेज दिलं गेलं आहे. बारावी निकाल जाहीर करण्यासाठी महाविद्यायांना या शासन निर्णयाचा आधार घ्यावा लागणार आहे.
बारावीच्या परीक्षेला बसलेले खासगी विद्यार्थी, पुन्हा परीक्षा देणारे विद्यार्थी यांच्यासाठी वेगळा फॉर्म्युला जाहीर करण्यात आला आहे. त्यासंबंधी अधिक माहिती शासन निर्णयात पाहायला मिळेल.
बारावी निकालाचा फॉर्म्युला सविस्तर वाचण्यासाठी शासन निर्णय वाचा, शासन निर्णय वाचण्यासाठी क्लिक करा
विद्यार्थ्यांचं हित लक्षात घेऊन परीक्षा रद्द
सन २०२१-२१ या शौक्षणिक वर्षासाठी महाराष्ट्र राज्य माध्यमिक व उच्च माध्यमिक शिक्षण मंडळामार्फत आयोजित करण्यात येणारी उच्च माध्यमिक प्रमाणपत्र (इ.१२ वी) परीक्षा विद्यार्थ्यांचे आरोग्य व सुरक्षिततेचा विचार करता रद्द करण्यात येत आहे. इयत्ता १२ वी च्या परीक्षेसाठी प्रविष्ठ सर्व विद्यार्थ्यांना कनिष्ठ महाविद्यालय स्तरावर अंतर्गत मूल्यांकनाच्या आधारे उत्तीर्ण करण्यात यावे. इयत्ता बारावीची परीक्षा रद्द केल्यामुळे, अंतर्गत मूल्यमापनाच्या कार्यपद्धतीबाबत तसेच गुणपत्रक /प्रमाणपत्र देण्याबाबत स्वतंत्रपणे निर्देश निर्गमित करण्यात येतील. सदरचा शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करुन देण्यात आलेला असून त्याचा संकेतांक क्रमांक 202106111 720454121 असा आहे.
थोडक्यात हकीगत अशी की यातील आरोपीत याने फिर्यादीशी ‘जीवनसाथी डॉट कॉम’ या वेबसाईट वर ऑनलाईन रेजिस्ट्रेशनद्वारे खोट्या नावाने ओळख करून माहे जुलै २०२० ते दिनांक १५ जानेवारी २०२१ पावेतो फिर्यादी यांना लग्नाचे आमिष दाखवून विश्वास संपादन करून फिर्यादीचे राहते घरी जाऊन अनैतिक शारीरिक संबंध ठेवला. तसेच फिर्यादी यांच्याकडून १० तोळे ५ ग्राम सोन्याचे दागिने घेऊन जाऊन अपहार केला. त्याचप्रमाणे यातील तीन महिला साक्षीदार यांच्याशी देखील लग्न करणार आहे असे सांगून त्यांचा विश्वास संपादन करून त्यांच्याकडून ४ तोळे सोने व साडेसहा लाख रुपये इत्यादी घेऊन अपहार करून त्यांची फसवणूक केली म्हणून विष्णूनगर पोलीस स्टेशन येथे गुन्हा रजि नंबर ७८/२०२१ भ.द.वि.क ३७६, ४२०, ४१७, ४०६ अन्वये दिनांक.१६/०४/२०२१ रोजी दाखल करण्यात आला होता.
सदरचा गुन्हा महिला अत्याचाराचा असल्याने श्री.दत्ता कराळे सो, अपर पोलीस आयुक्त, पूर्व प्रादेशिक विभाग कल्याण, श्री.विवेक पानसरे सो, पोलीस उपायुक्त परिमंडल-३ कल्याण व मा. सहा पोलीस आयुक्त श्री.जयराम मोरे सो, डोंबिवली विभाग यांनी विशेष प्रयत्न करून सदरचा गुन्हा उघडकीस आणण्याबाबत मार्गदर्शक सूचना केल्या होत्या.
सदर गुन्ह्यातील आरोपीत हा आपले नाव बदलून, आपल्या राहण्याची जागा नेहमी बदलून वेगवेगळ्या ठिकाणी राहत होता. विष्णूनगर पोलीस ठाणे गुन्हे प्रकटीकरण अधिकारी श्री.गणेश वडणे यांनी केलेल्या तांत्रिक विश्लेषणाच्या आधारे आणि गुप्त बातमीदार यांच्या आधारे आरोपीत नामे शैलेश प्रभाकर बांबार्डेकर उर्फ प्रथम चंद्रकांत माने (वय ३५ वर्षे) राहणार ए/१०६, जीवदानी प्लाझा, अमिनाबाई चाळ कंपाऊंड, मनवेल पाडा रोड विरार (पूर्व) यांस समतानगर कांदिवली, मुंबई येथून ताब्यात घेऊन त्याच्याकडे सदर गुन्ह्याबाबत चौकशी केली असता नमूद आरोपीत याचा सहभाग निष्पन्न झाल्याने त्यास नमूद गुन्ह्यात अटक केली असून तो सध्या न्यायालीन कोठडीत आहे.
अटक आरोपीत याच्याकडे पोलीस कस्टडी रिमांड दरम्यान गुन्ह्या संबंधी चौकशी करता, त्याने फिर्यादी व साक्षीदार यांच्याकडून घेतलेले १४० ग्राम वजनाचे दागिने (सोने) हस्तगत करण्यात आले आहे.
गुन्ह्याची पद्धत (Modus Operandi)
सदर गुन्ह्यातील आरोपी याने ‘जीवनसाथी डॉट कॉम’ या मेट्रोमोनियल वेबसाईटवर प्रथम चंद्रकांत माने या खोट्या नावाने अकाउंट तयार करून त्यात स्वतःला उच्च शिक्षित असल्याचे भासवून ‘जीवनसाथी डॉट कॉम’ या मेट्रोमोनियल वेबसाईटवर उच्च शिक्षित महिला व खास करून घटस्फोटित व विधवा महिलांशी ओळख करून त्यांना लग्नाचे आमिष दाखवून विश्वास संपादन करून त्यांच्या सोबत शारीरिक संबंध ठेवत असे, तसेच त्यांच्याकडून वैय्यक्तिक अडचण भासवून भावनिक जवळीक साधून पैशांची गरज असल्याचे सांगून सोन्याचे दागिने व रोख रक्कम घेऊन फसवणूक करत होता.
आरोपी याने या अगोदर सुद्धा अश्या प्रकारे गुन्हे केले आहेत किंवा कसे याबाबत तपास चालू असून आरोपीत याने प्रथम चंद्रकांत माने या नावाने ‘जीवनसाथी डॉट कॉम’ या मेट्रोमोनियल वेबसाईटवर कोणाला फसवले असल्यास तात्काळ विष्णूनगर पोलीस ठाणे यांच्याशी संपर्क साधण्याचे आवाहन पोलिसांनी केलेले आहे याबाबत माहीती घेत आहोत. आरोपी यांच्यावर या अगोदर गुन्हे दाखल आहेत किंवा कसे याबाबत पुढील तपास चालू आहे.
सदरची कारवाई विष्णूनगर पोलीस ठाण्याचे मा.वरीष्ठ पोलीस निरीक्षक श्री.संजय साबळे, पोलीस निरीक्षक श्री. आर.एम.खिल्लारे यांच्या मार्गदर्शनाखाली सपोनि. योगिता पी.जाधव व गुन्हे प्रकटीकरण पथकाचे सपोनि. गणेश आर.वडणे, मपोना/८४४६ मिथिला मिसाळ, पोशि/६५०५ कुंदन भामरे, पोशि/७५९७ मनोज बडगुजर यांनी सदरची कारवाई यशस्वी रित्या पार पाडली आहे.
