लोकहित न्युज

संपादक: मोईन सय्यद / प्रतिनिधी: अवधुत सावंत

ठाणे जिल्ह्यातील बदलापूर येथील रमेशवाडी येथे घरगुती एलपीजी गॅसची गळती झाल्याने घरात आगीचा भडका उडाला. या दुर्घटनेत ५ जण जखमी झाले आहेत. यातील दोघांची प्रकृती चिंताजनक असल्याचे समजते आहे. जखमींमध्ये दोन लहान मुलांचा समावेश आहे.

घरात पसरलेल्या एलपीजी गॅसमुळे आगीचा भडका उडाला. या दुर्घटनेत ५ जण जखमी झाले आहेत. ही दुर्घटना बदलापूर शहरातील रमेशवाडी भागात असलेल्या ‘जय हाईट्स’ या इमारतीत घडली आहे. जखमींना उपचारासाठी रुग्णालयात दाखल करण्यात आले असून ५ जखमींपैकी दोघांची प्रकृती चिंताजनक असल्याचे सांगण्यात आले आहे.

घरगुती सिलिंडरमधील गॅस गळतीमुळे घरात आगीचा भडका उडाल्याने ५ जण गंभीर रित्या जखमी

घरगुती गॅस दुरुस्ती करताना सिलिंडरचा उडालेल्या भडक्यामुळे बदलापूर शहरातील रमेशवाडी भागातील ‘जय हाईट्स’ या इमारतीत निलेश तायडे यांच्या पत्नी काल दि.१ मे रात्रीच्या सुमारास स्वयंपाक करीत होत्या. यावेळी घरगुती एलपीजी गॅस सिलिंडरमधून बऱ्यास वेळेपासून गळती होत असल्याने त्यांनी दुरुस्तीसाठी मेकॅनिकला बोलावले होते. मेकॅनिक या सिलिंडरची दुरुस्ती करत असताना अचानक सिलिंडरचा भडका उडाला. त्यातच गॅसमधून जास्त प्रमाणात गळती होऊन संपूर्ण घरात गॅस पसरला होता. त्यामुळे आगीचा भडका झाला. यात तायडे यांच्यासह त्यांच्या पत्नी, दोन मुलं आणि दुरुस्तीसाठी आलेला मॅकेनिक असे ५ जण आगीत होरपळले. घटनेची माहिती मिळताच अग्निशमन दलाच्या जवानांनी घटनास्थळी दाखल होऊन आगीवर तातडीने नियंत्रण मिळविले. तर शेजाऱ्यांच्या मदतीने तातडीने जखमींना उल्हासनगर मधील रुग्णालयात उपचारासाठी दाखल करण्यात आले आहे.

संपादक: मोईन सय्यद / प्रतिनिधी: अवधुत सावंत

कोरोना बाधित रुग्णांना रुग्णालयात बेड मिळेपर्यंत मोठ्या अडचणीला सामोरे जावे लागत आहे. या रुग्णांना तातडीने घरच्याघरी ऑक्सिजन मिळावा यासाठी नगरविकास मंत्री एकनाथ शिंदे यांनी ‘ऑक्सिजन बँक’ योजना सुरु करण्याचा निर्णय घेतला आहे. महाराष्ट्र दिनाचे औचित्य साधून या नवीन योजनेचा शुभारंभ करण्यात आला. एमएमआर रीजन मध्ये ऑक्सिजनचा मोठा तुटवडा आहे. ही गरज लगेचच्या लगेच भरून काढता येणे अवघड आहे. अनेकदा ऑक्सिजनची गरज असलेल्या रुग्णांना ऑक्सिजन बेड मिळेपर्यंत त्यांची तब्येत खालावते व तो दगावण्याची शक्यता असते अशा गरजू रुग्णांना दिलासा देण्यासाठी श्री.शिंदे यांनी या ‘ऑक्सिजन बॅंके’ च्या माध्यमातून दिलासा देण्याचा निर्णय घेतला आहे. या ऑक्सिजन बँकेत सुरुवातीला पाच लिटर क्षमतेच्या १२० ऑक्सिजन कॉन्सन्ट्रेटर ठेवण्यात येणार असले तरी कालांतराने दहा लिटर क्षमतेचे ऑक्सिजन कॉन्सन्ट्रेटर ठेवण्यात येतील असे श्री शिंदे यांनी स्पष्ट केले आहे.

या ऑक्सिजन कॉन्सन्ट्रेटर
मशीन्स द्वारे हवेतील ऑक्सिजन शोषून घेऊन त्यातील नायट्रोजन वेगळा करुन रुग्णांना ऑक्सिजनचा पुरवठा करण्यात येतो. डॉ.श्रीकांत शिंदे फाऊंडेशन व शिवसेना वैद्यकीय कक्ष याच्या माध्यमातून ही सेवा ठाणे, कल्याण, डोंबिवली, अंबरनाथ, बदलापूर येथील गरजू रुग्णापर्यंत पोहचवण्यात येणार आहे.

कोरोनाचा कहर वाढत असताना अनेक रुग्णांना ऑक्सिजन अभावी आपला जीव गमवावा लागल्याच्या घटना आपण दररोज ऐकत आहोत. अशात डॉ. श्रीकांत शिंदे फाउंडेशन आणि शिवसेना वैद्यकीय मदत कक्ष यांनी सूरु केलेला हा उपक्रम निश्चितच पथदर्शी ठरेल असा विश्वास श्री. शिंदे यांनी व्यक्त केला आहे. आज ऑक्सिजन बॅंकेच्या या लोकार्पण सोहळ्याला ठाण्याचे महापौर नरेश म्हस्के, खासदार राजन विचारे, आमदार रविंद्र फाटक, शिवसेना वैद्यकीय मदत कक्षाचे कक्ष प्रमुख मंगेश चिवटे आणि त्यांची संपूर्ण टीम उपस्थित होती. गरजू कोविड रुग्णांच्या नातेवाईकांनी या ऑक्सिजन बँकेचा लाभ घेण्यासाठी शिवसेना वैद्यकीय कक्ष कार्यालय, मंगला हायस्कूल शेजारी, कोपरी ठाणे पूर्व येथे संपर्क साधावा असं आवाहन करण्यात आलं आहे.