लोकहित न्युज

अहमदपूर:-
मासूम शेख

येथील सिद्धार्थ हौसिंग सोसायटी येथील संस्कार बुद्ध विहारात नुकत्याच पार पडलेल्या बैठकीत सर्वानुमते चंद्रशेखर भालेराव यांची भारतरत्न डॉ बाबासाहेब आंबेडकर जयंती महोत्सव समिती च्या अध्यक्षपदी तर कार्याध्यक्ष पदी प्रसाद गायकवाड यांची निवड करण्यात आली.
त्याचबरोबर कार्यकारणीची ही यावेळी सर्वानुमते निवड करण्यात आली.
उपाध्यक्ष महेंद्र धसवाडीकर सचिव सुबोध इंगळे सहसचिव अजय (मुन्ना) वाघमारे कोषाध्यक्ष बाबासाहेब कांबळे लेंडेगावकर कार्याध्यक्ष प्रसाद गायकवाड तर सल्लागार समितीमध्ये रामकृष्ण कांबळे माधवराव तिगोटे बालाजी दुगाने सुजित गायकवाड यादवराव वाघमारे उद्धवराव गायकवाड चंद्रकांत कांबळे अनिल तिगोटे ऍड. राजपाल गायकवाड एम एन क्षीरसागर ऍड. अमित गायकवाड लक्ष्मण कांबळे विठ्ठलराव गायकवाड रावसाहेब वाघमारे बालाजी वाघमारे गौतम कांबळे यांची निवड करण्यात आली.
यावेळी जयंती मंडळाचे मावळते अध्यक्ष रोहित कांबळे अभिजीत तुरेवाले आकाश भालेराव सोनू कांबळे पिंटू सोनकांबळे विशाल साळवे अमोल कांबळे पंकज भालेराव विशाल सोनकांबळे प्रयोग जोहारे कुणाल वाघमारे सुमित वाघमारे हर्ष कांबळे
यांची प्रमुख उपस्तीथी होती.

अहमदपूर:-
मासूम शेख

आज कुटुंबातील प्रत्येक सदस्य आपापल्या कामकाजामध्ये व्यस्त असून त्याचे कुटुंब आणि कुटुंबातील सदस्य यांचे नातेगोते यांच्यावर फारसे लक्ष नाही. त्यामुळे समाजामध्ये अस्थिरता निर्माण झालेली आहे. समाजातील ही अस्थिरता दूर करण्यासाठी समाजातील प्रत्येक घटकाने परमेश्वराचे नामस्मरण चिंतन मनन करून युवकांना संस्कारक्षम करावे असे अभूतपूर्व कार्य शिव सप्ताहाच्या माध्यमातून केले जाते असे आग्रही प्रतिपादन वसमत थोरला मठाचे मठाधिपती परमपूज्य दिगंबर शिवाचार्य महाराज यांनी केले.
ते अहमदपूर तालुक्यातील किनी कदू येथील आयोजित सुवर्ण महोत्सवी अखंड शिवनाम सप्ताह च्या समारोपप्रसंगी आशीर्वचन पर मार्गदर्शन प्रसंगी बोलताना व्यक्त केले.
यावेळी महाराष्ट्र राज्याचे सहकार मंत्री नामदार बाबासाहेब पाटील, माजी मंत्री बाळासाहेब जाधव, माजी आमदार बब्रुवाहन खंदाडे, महेश बँकेचे उपाध्यक्ष निवृत्तीराव कांबळे, कृषी उत्पन्न बाजार समितीचे संचालक संतोष रोडगे, बाजार समितीचे संचालक किशन पाटील, शिवानंद हैबतपुरे यांच्यासह मान्यवरांची उपस्थिती होती.
या अखंड सप्ताहामध्ये शिवपाठ, राष्ट्रसंत परमपूज्य डॉ. शिवलिंग शिवाचार्य महाराज यांच्या परम रहस्य पारायण, बसवकथा, गाथा भजन, शिवपाठ आणि रात्रीच्या सुमाराला महाराष्ट्रातील नामवंत शिवाचार्याच्या कीर्तनाची सेवा होती.
ग्रामस्थांच्या वतीने त्रिकाल वंदनी जग ज्योती महात्मा बसवेश्वर, परमपूज्य मन्मथस्वामी , राष्ट्रसंत परमपूज्य डॉक्टर शिवलिंग शिवाचार्य महाराज आणि वीर मठ संस्थांचे मठाधिपती परमपूज्य राजशेखर गुरु शिवलिंग शिवाचार्य महाराज यांची गावातून शोभायात्रा काढून मूर्तीची प्राण प्रतिष्ठापणा वीरमठ संस्थांनचे मठाधिपती परमपूज्य राजशेखर गुरु शिवलिंग शिवाचार्य महाराज यांच्या हस्ते करण्यात आले.
यावेळी तीन ते पाच च्या दरम्यान शि भ प अडवोकेट शिवानंद हैबतपुरे यांची सुश्राव्य बसवकथा घेण्यात आली.
या अखंड शिवनाम सप्ताहाच्या निमित्ताने रक्तदान शिबिर घेण्यात आले त्यात 50 बाटल्या रक्ताचे संकलन करण्यात आले.
डॉ. तुकाराम नलवाड यांच्या वतीने मोफत बी पी शुगर ची तपासणी भाविक भक्तांची करण्यात आली.
सुवर्ण महोत्सवी अखंड शिवनाम सप्ताह मध्ये महाराष्ट्रातील नामवंत कीर्तनकारांचे हजेरी लावली होती. त्यात निलंगा विरक्त मठाचे शि भ प संगनबसव महास्वामी, सद्गुरु काशिनाथ शिवाचार्य महाराज पाथरीकर, सद्गुरु शंभूलिंग शिवाचार्य महाराज अंबाजोगाईकर, सद्गुरु शिवचैतन्य शिवाचार्य महाराज आष्टीकर, सद्गुरु डॉक्टर सिद्ध दयाळ शिवाचार्य महाराज बेटमोगरेकर, सद्गुरु सिद्ध चैतन्य शिवाचार्य महाराज साखरखेर्डेकर, सद्गुरु महादेव शिवाचार्य महाराज वाईकर यांच्या सुश्राव्य कीर्तनाने रसिकांना मंत्रमुग्ध केले.
गेल्या पन्नास वर्षापासून गावातील अन्नदाते या सप्त्यासाठी अन्नदान करतात. त्या अन्नदात्यांचा सन्मान परमपूज्य दिगंबर शिवाचार्य महाराज थोरला मठ यांच्या हस्ते शाल, श्रीफळ, पुष्पहार व सन्मान चिन्ह देऊन करण्यात आला.
सुवर्ण महोत्सवी अखंड शिवनाम सप्ताह यशस्वी करण्यासाठी सप्ताह समितीचे अध्यक्ष शि भ प विठ्ठलराव गुडमे, उपाध्यक्ष वैजनाथ मुरडे, शि भ प शिवलिंग पाटील, रामेश्वर भुरे, दिलीप शेंबाळे, संजय भुरे, भगवंतराव पाटील, माधव शेंबाळे, राजू तरगुडे,प्रा.व्यंकटराव भुरे, पद्माकर पाटील, शिवदास पाटील, नरसिंग मटके, आर आर पाटील, राजू पाटील, ओम पाटील, राहुल शेंबाळे, राजेंद्र भुरे, परमेश्वर भुरे, अंकुश पाटील, व्यंकटी पाटील, विश्वंभर मटके, काशिनाथ हिपळगावे, भास्कर पाटील, परमेश्वर भुरे आणि सप्ताह समितीच्या पदाधिकाऱ्यांनी व ग्रामस्थांनी विशेष परिश्रम घेतले.

अहमदपूर:-
मासूम शेख

येथील किलबिल नॅशनल स्कूल जवळगा या शाळेत राष्ट्रीय विज्ञान दिनानिमित्त चमत्काराचे सादरीकरण या कार्यक्रमाचे आयोजन करण्यात आले होते. कार्यक्रमाच्या प्रसंगी कार्यक्रमाचे अध्यक्ष संस्थेचे सचिव ज्ञानोबा भोसले, प्राचार्य संतोष पाटील तर प्रमुख मार्गदर्शक म्हणून अंधश्रद्धा निर्मूलन समितीचे राज्य संघटक हरिदास तम्मेवार उपस्थित होते. विद्यार्थ्यांमध्ये वैज्ञानिक दृष्टिकोन जागा करण्यासाठी व विज्ञानातून शिक्षण देण्यासाठी कोणकोणत्या पद्धतींचा वापर केला पाहिजे याबद्दल सरांनी सविस्तर माहिती दिली. कार्यक्रमात चमत्काराच्या सादरीकरणातून एकूण दहा प्रयोगांचे सादरीकरण केले व त्याची वैज्ञानिक कारण कोणते याचाही खुलासा केला सध्या समाजामध्ये अंधश्रद्धेचा पगडा कमी करण्यासाठी प्रयत्नशील असलेले हरिदास तम्मेवार आजही वेगवेगळ्या शाळांना भेट देत आपले कार्य अविरतपणे करत आहेत. कार्यक्रमाचे प्रास्ताविक प्राचार्य संतोष पाटील यांनी केले तर सूत्र संचलन महारुद्र वाघमारे यांनी केले.
कार्यक्रमास शाळेतील विद्यार्थी, शिक्षक उपस्थित होते.

अहमदपूर:-
मासूम शेख

हिंदवी स्वराज्याचे संस्थापक शिवछत्रपती शिवाजी महाराज यांची जयंती यशवंत विद्यालयामध्ये अत्यंत उत्साहाच्या वातावरणामध्ये संपन्न झाली.
प्रारंभी मुख्याध्यापक गजानन शिंदे यांच्या हस्ते प्रतिमा पूजन करून त्यांना अभिवादन करण्यात आले.
यावेळी उप प्राचार्य प्रा. मुजमील सय्यद, पर्यवेक्षक राम तत्तापुरे, शिवाजी सूर्यवंशी, खयूम शेख, कपिल बिराजदार, गुरप्पा बावगे, विजय वाडकर, गौरव चवंडा, मनोहर ढेले, भीमराव कांबळे, दीपक हिंगणे सचिन खानापुरे यांच्यासह मान्यवरांची उपस्थिती होती.
कार्यक्रम यशस्वी करण्यासाठी शिक्षक शिक्षकेतर कर्मचाऱ्यांनी विशेष परिश्रम घेतले.