मीरा-भाईंदर, प्रतिनिधी : मीरा भाईंदर शहरात सध्या उद्याने, स्मशानभूमी, दफनभूमी आणि रुग्णालये या सार्वजनिक ठिकाणी अगोदरच चांगल्या स्थितीत असलेले प्रवेशद्वार तोडून पुन्हा नवीन प्रवेशद्वार बनविले जात आहेत आणि त्यावर कोट्यवधींचा खर्च केला जात आहे. परंतु मुख्य प्रश्न असा आहे कि शहरात आरोग्य सेवेची अत्यंत बिकट अवस्था असताना आणि नागरिकांच्या अत्यावश्यक अशा आरोग्य सेवेवर अधिक खर्च करण्याची गरज असताना ह्या प्रवेशद्वारांवरच एव्हढा वायफळ खर्च का केला जात आहे? हा सर्वसामान्य नागरिकांना पडलेला प्रश्न आहे.
मीरारोड परिसरात एकमेव असलेले स्वर्गीय इंदिरा गांधी रुग्णालयाचे प्रवेशद्वार देखील तोडून नवीन चकचकीत असे नवीन प्रवेशद्वार बनविले गेले आहे आणि त्यावर अंदाजे पंचवीस लाख रुपयांचा निधी खर्च केला गेला आहे. परंतु याच रुग्णालयाची आतून अवस्था काय आहे? या रुग्णालयात नागरिकांना कशा प्रकारच्या आरोग्य सेवा पुरविल्या जातात? याचा आम्ही आढावा घेण्याचा प्रयत्न केला असता अत्यंत धक्कादायक परिस्थिती पाहायला मिळालेली आहे.
या रुग्णालयातील सौचालयाची अवस्था किती बिकट आहे, ऑपरेटर रूम इथे देखील घाण पसरलेली आहे, एव्हढे मोठे रुग्णालय असून देखील या रुग्णालयातील एकमेव एक्सरे मशीन गेल्या अनेक महिन्यांपासून बंद पडलेली लाखोंच्या मशीन अगदी भंगारात पडलेल्या दिसत आहेत, त्याबद्दल अनेक तक्रारी करून देखील अद्याप एक्सरे मशीन सुरु करण्यात आलेली नसून नागरिकांना नाईलाजाने खाजगी डॉक्टर कडून एक्सरे काढून घ्यावे लागत आहेत.
या रुग्णालयात डॉक्टर आणि नर्सेस जे फर्निचर वापरतात ते सर्व फर्निचर अत्यंत वाईट अवस्थेत असून मोडकळीस आलेले आहे, या रुग्णालयात प्रसूतिगृह असून इथे अनेक महिला इथे प्रस्तुसाठी येतात परंतु या रुग्णालयाची लिफ्ट गेल्या अनेक महिन्यापासून बंद पडलेली आहे आणि गरोदर महिलांना अगदी अवघडलेल्या अवस्थेत देखील दोन माळे जिने चढून वर यावे लागते तर हि अत्यन्त दयनीय अशी परिस्थिती आहे.
हे आहे लिक्विड ऑक्सिजन रूम आणि स्वच्छतागृह पण इथेही अत्यंत वाईट अवस्था पाहायला मिळत आहे अशा प्रकारे सिलिंग गळत आहे तर बाथरूममध्ये भंगार सामान भरून ठेवण्यात आलेले आहे, या रुग्णालयात एकूण आठ डायलेसिस मशीन आहेत पैकी फक्त पाच मशीन सध्या चालू असून तीन मशीन गेल्या अनेक महिन्यापासून बंद आहेत तर डायलेसिस रूममधील एसी देखील बंदच पडलेले आहेत.
या रुग्णालयाच्या कन्सल्टिंग रूमची अवस्था देखील अत्यंत वाईट असून जिथे पेशंटची तपासणी केली जाते तिथेही अत्यंत वाईट अवस्था पाहायला मिळत आहे अशा अत्यंत कोंदट जागेत बसून डोक्टर पेशंटची तपासणी करीत आहेत.
या रुग्णालयातील एकमेव लॅब म्हणजेच प्रयोगशाळा आहे परंतु दुर्दैवाची गोष्ट म्हणजे या रुग्णालयाच्या लॅबमध्ये एकही कॉम्पुटर नाही आणि आजही इथे हाताने रिपोर्ट लिहाव्या लागत आहेत, या लॅबमध्ये एकमेव असलेली लिपिड प्रोफाईलची मशीन गेली अनेक महिने बंद पडलेली आहे परंतु त्याकडे कुणीच लक्ष द्यायला तयार नाही, सॅनिटायजर रूम म्हणजेच निर्जंतुकीकरण रूम परंतु इथे हि अत्यंत वाईट अवस्था असल्याचे दिसत आहे.
ज्या गरोदर महिलांची सिझेरियन केली जाते किंवा ज्या पेशंटचे ऑपशन केले जाते त्यांना ज्या खोलीत आणले जाते त्या ठिकाणची अवस्था देखील अत्यंत वाईट असून येथील एसी देखील बंद पडलेले आहेत डॉक्टरांना बसण्याची देखील योग्य सोय नाही आहे.
या रुग्णालयाच्या ऑपशन थियेटर ऑपरेशनच्या तीन लाईट पैकी फक्त एकच लाईट चालू असून डॉक्टारांना एकाच लाईटच्या उजेडामध्ये ऑपरेशन करावे लागत आहे, ऑपरेशन थिएटर मधील एक एसी बंद आहे तर दुसऱ्या एसीतून पाणी गळत आहे, ऑपरेशन थिएटरचे सिलिंग देखील गळत आहे. ज्या पलंगावर ऑपरेशन केले जाते त्या पलंगाची देखील गेली अनेक महिन्यापासून त्याची सर्व्हिसिंग झालेली नाही, ते योग्य रीतीने काम करत नाही, तरी देखील डॉक्टरांना तशाच अवस्थेत ऑपरेशन करावे लागत आहेत तर अशा एक नाही तर अनेक समस्या या रुग्णालयात आहेत परंतु महापालिका प्रशासनाचे याकडे अजिबात लक्ष देताना दिसत नाही.
मीरा-भाईंदर शहरातील नागरिकांना अत्यावश्यक असलेली आरोग्य सेवा पुरविण्यात महानगरपालिका प्रशासन पर्णपणे अपयशी ठरलेली आहे परंतु त्याच ठिकाणी शहरातील राजकीय पक्षाचे नेते, ठेकेदार, अधिकारी यांचे उखळ पांढरे करण्यासाठी कोट्यावधींचा वायफळ खर्च करून हे प्रवेशद्वार बनविले जात असल्याचा आरोप शहरातील नागरिकांकडून केला जात असून भ्रष्टनेते, अधिकारी तुपाशी आणि करदाते नागरिक मात्र उपाशी अशी अवस्था पाहायला मिळत आहे.
