संपादक: मोईन सय्यद / प्रतिनिधी: अवधुत सावंत
कल्याण, डोंबिवली, अंबरनाथ या शहरातील पर्यावरणाचे संवर्धन व्हावे याकरिता उद्योजकांची कल्याण अंबरनाथ मॅन्युफॅक्चरर्स असोसिएशन (कामा) संघटना कायम कटिबद्ध राहिल असे संघटनेचे कार्याध्यक्ष देवेन सोनी यांनी प्रसिद्धी माध्यमांना सांगितले. निरी संस्थेने डोंबिवली येथील सामान्य उदंचन प्रक्रिया प्रकल्पास (सीईटीपी ) मार्च २०२३ मध्ये भेट दिली होती. या प्रकल्पाच्या कार्याबाबत ‘निरी’ ने समाधान व्यक्त केले आहे. हा प्रकल्प अधिक अद्यावत तंत्रज्ञान युक्त करण्यासाठी ‘कामा’ संघटनेने विकास आराखड्याचा प्रस्ताव ‘निरी’ ला दिला होता. याबाबतचा अहवाल ‘निरी’ ने ‘कामा’ संघटनेकडे दिला असून आता डोंबिवली सांडपाणी शुद्धीकरण प्रकल्पास अधिक दर्जा प्राप्त होणार असल्याचा विश्वास कार्याध्यक्ष देवेन सोनी यांनी व्यक्त केला आहे. यामुळे कारखान्यातून सोडण्यात येणारे सांडपाणी शुद्धीकरण प्रक्रिया दर्जेदार होईल आणि सांडपाण्यातील रासायनिक घटकांचे प्रमाण कमी होईल.
‘कामा’ संघटनेचा पर्यावरण संरक्षणासाठी सुरू असलेल्या कार्याचा आढावा जागतिक पर्यावरण दिनानिमित्त त्यांनी पत्रकारांना विषद केला. ‘कामा’ संघटनेच्या माध्यमातून गेली कित्येक वर्ष विविध लोकोपयोगी उपक्रम राबविण्यात येत असतात.५ जून या पर्यावरण दिनानिमित्त एकल वापर प्लास्टिक वर बंदी घालण्यात आली आहे. त्यासाठी २०२२ साली महाराष्ट्र प्रदूषण नियंत्रण मंडळाच्या सहकार्याने एका जागृती रॅली चे आयोजन करण्यात आले होते. दर पावसाळ्यात डोंबिवली आणि इतर परिसरात वृक्षारोपण करण्यात येते. भारतातील विविध राज्यांतील पर्यावरण संरक्षणासाठी आयोजित करण्यात आलेल्या परिसंवादात ‘कामा’ चे सदस्य किंवा पदाधिकारी सहभागी होत असतात. त्याचप्रमाणे उद्योजकांच्या विविध संघटनांनी आयोजित केलेल्या पर्यावरण विषयक उपक्रमात सहभागी होत असतात. या सहभागातून पर्यावरण संरक्षणासाठी नेमके काय कार्यक्रम राबविण्यात यावे याचं मौलिक विचार ऐकायला मिळतात.
नागपूर येथे ‘निरी’ (नॅशनल एनव्हायरोमेंटल इंजिनिअरिंग रिसर्च इन्स्टिट्यूट) संस्थेच्या वतीने आयोजित करण्यात आलेल्या परिसंवादात याचा अनुभव आला. असे देवेन सोनी यांनी सांगितले. ‘निरी’ संस्थेने डोंबिवली येथील सामान्य उदंचन प्रक्रिया प्रकल्पास (सीईटीपी) मार्च २०२३ मध्ये भेट दिली होती. या प्रकल्पाच्या कार्याबाबत ‘निरी’ने समाधान व्यक्त केले आहे. हा प्रकल्प अधिक अद्यावत तंत्रशुद्ध तंत्रज्ञान युक्त करण्यासाठी ‘कामा’ संघटनेने विकास आराखड्याचा प्रस्ताव ‘निरी’ ला दिला होता. याबाबतचा अहवाल ‘निरी’ ने ‘कामा’ कडे दिला असून आता डोंबिवली सांडपाणी शुद्धीकरण प्रकल्पास अधिक दर्जा प्राप्त होणार असल्याचा विश्वास ‘कामा’ चे कार्याध्यक्ष देवेन सोनी यांनी प्रसिद्धी माध्यमांसमोर झालेल्या वार्तालापात व्यक्त केला आहे.
‘कामा’ संघटनेच्या पर्यावरण संरक्षण विषयक उपक्रमासाठी तत्कालीन मुख्यमंत्री देवेंद्र फडणवीस यांच्या हस्ते द्वितीय वसूंधरा पारितोषिकाचा मान मिळाला होता.
