संपादक: मोईन सय्यद / प्रतिनिधी: अवधुत सावंत
कल्याण-डोंबिवली मध्ये रस्त्याचे जाळे पसरल्यास विकासाला चालना मिळणार आहे. डोंबिवली पश्चिम येथे पांडूशेठ बाळा जोशी चौक ते जुनी डोंबिवली रस्त्याचे काँक्रीटीकरण उद्घाटनाप्रसंगी कल्याण-डोंबिवकीचे लोकप्रिय खासदर श्रीकांत शिंदे बोलत होते. यावेळी माजी नगरसेवक रणजित जोशी यांनी कार्यालय समोर फटाक्यांची आतिषबाजी करत त्यांचे स्वागत करण्यात आले.
डोंबिवली पश्चिम येथील पांडूशेठ बाळा जोशी चौक ते जुनी डोंबिवली रस्त्याचे काँक्रीटीकरण तब्बल १३.५० कोटी निधी उभारण्यात आले आहे. हा निधी मुंबई महानगर प्रदेश विकास प्राधिकरण कडून उपलब्ध केला गेला असल्याची माहिती सार्वजनिक बांधकाम मंत्री रविंद्र चव्हाण यांनी भूमिपूजन समारंभ प्रसंगी सांगितले. त्यामुळे प्रवास सुकर होऊन प्रवाश्यांच्या वेळ देखील वाचणार आहे. खासदर श्रीकांत शिंदे यांनी बोलताना या रस्त्या बरोबर माणकोली उड्डाणपुला मार्गे टिटवाळा परिसर जोडण्याचा आपला मानस असल्याचे सांगत त्यासाठी एमएमआरडीए कडून निधी उपलब्ध केला जाईल अशी माहिती दिली. यावेळी व्यासपीठावर माजी महापौर विनिता राणे, माजी नगरसेवक रणजित जोशी, दिपेश म्हात्रे, शशिकांत कांबळे, भाऊ चौधरी व इतर बाळासाहेबांची शिवसेना आणि भाजप पदाधिकारी व कार्यकर्ते मोठ्या संख्येने उपस्थित होते.
