लोकहित न्युज

संपादक: मोईन सय्यद / प्रतिनिधी: अवधुत सावंत

नुकतेच काही दिवसांपूर्वी राज्याचे राज्यपाल भगत सिंह कोश्यारी, राष्ट्रवादीचे सर्वेसर्वा शरद पवार आणि केंद्रीय मंत्री नितीन गडकरी यांनी औरगांबाद येथे डॉ. बाबासाहेब आंबेडकर मराठवाडा विद्यापीठाच्या ६२ व्या दीक्षांत सोहळ्याला उपस्थिती लावली होती. यावेळी राज्यपालांनी बोलताना जुन्या काळातील आदर्श हे शिवाजी महाराज होते तर आजच्या काळातील आदर्श डॉ. बाबासाहेब आंबेडकर ते नितीन गडकरी आहे असे म्हटले होते. प्रसंगी राज्यपालांनी शिवाजी महाराजांची तुलना नितीन गडकरी यांच्यासोबत केल्याने राजकीय वादंग निर्माण झाले आहे. अनेक नेत्यांनी राज्यपालांच्या विधानावर निषेध नोंदविला आहे. राज्याचे उपमुख्यमंत्री देवेंद्र फडवीस यांनी नुकतीच ‘अखिल भारतीय पोलीस रेसलिंग क्लस्टर स्पर्धा २०२२’ च्या समारोपाला पुणे येथे हजेरी लावली होती त्यावेळी राज्यपालांच्या विधानावर सूचक मत व्यक्त केले आहे.

यावेळी बोलताना देवेंद्र फडणवीस म्हणाले, “छत्रपती शिवाजी महाराजांसारखा दुसरा आदर्श नाही. ते सर्वांचेच आदर्श आणि प्रेरणा आहेत. महाराजांच्या शौर्याची आणि कार्याची माहिती सर्व देशाला आहे, राज्यपालांना देखील त्यांच्याविषयी चांगली माहिती आहे. राज्यपालांच्या मनात कुठलीही शंका नाही, मात्र राज्यपालांनी केलेल्या विधानाचा विनाकारण विपर्यास करत वाद निर्माण करण्याचा प्रयत्न सुरु आहे.” अशा प्रकारे राज्यपालांच्या विधानावर फडणवीसांनी स्पष्टीकरण देत आपले मत मांडले आहे. पोलीस बदल्यांबाबत बोलताना फडणवीस म्हणाले, जे अधिकारी बदलीस पात्र आहे त्यांच्या बदल्या केल्या जात आहेत, बाकी बदल्या या अद्याप झाल्या नाही. सर्व बदल्या आजवर नियमांनुसार झाल्या आहेत.

एकंदरतीच राज्यभर राजकीय वर्तुळातून गेल्या दोन दिवसांपासून राज्यपालांनी शिवाजी महाराज आणि नितीन गडकरी यांची तुलना केल्याने जी खळबळ माजली होती, त्याला उपमुख्यमंत्र्यांकडून स्पष्टीकरण देताना प्रकरण मिटवण्याचा प्रयत्न दिसून आला. भाजपचे प्रदेशाध्यक्ष चंद्रशेखर बावनकुळे यांनी देखील फडणवीसांच्या सारखेच विधान केल्याने सत्ताधारी नेत्यांकडून या प्रकरणी राज्यपालांची पाठराखण करण्याचा प्रयत्न देखील होत असल्याचे जाणवत आहे.

संपादक: मोईन सय्यद / प्रतिनिधी: अवधुत सावंत

सेंट्रल प्रेस जर्नलिस्ट असोसिएशन अर्थात केंद्रीय पत्रकार संघटनेच्या महाराष्ट्र दौऱ्याला सुरुवात झालेली आहे. या दौऱ्याची सुरुवात पुणे शहरापासून करण्यात आली असून संघटनेचे राष्ट्रीय अध्यक्ष संदिप कसालकर यांनी संघटनेचे पुणे शहराध्यक्ष तसेच महाराष्ट्र समन्वयक नितीन पुंडे यांची भेट घेतली. पुणे शहरातील विधानभवान येथे सभेचे आयोजन करण्यात आले होते. दरम्यान पुणे, कोल्हापूर आणि सातारा जिल्ह्यातील प्रिंट तसेच इलेक्ट्रॉनिक मीडियातील काही महत्वाच्या पत्रकारांनी यावेळी उपस्थिती दर्शवली. या वेळी ‘लोकमत’चे उत्तम पाटील, ‘पुण्यनगरी’चे नितीन पाटील, ‘इंडिया २४ तास’चे नितीन पुंडे, ‘मेकिंग महाराष्ट्र’चे चेतन शिंदे, ‘बारामती टाइम्स’चे मन्सूर शेख, ‘शेतकरी योद्धा’चे योगेश नालांदे, ‘विशाल संविधान’चे श्रीपती खंडागळे, ‘पोलीस वॉरंट’चे संतोष साळवी आणि ‘खादी एक्स्प्रेस’चे अरविंद वाघमारे उपस्थित होते. सभेदरम्यान पत्रकारांना पत्रकारिता करताना येणाऱ्या समस्या जाणून घेण्यात आल्या तसेच पत्रकारांच्या आर्थिक विकास हेतू एका नवीन प्रकल्पाची माहिती सुद्धा यावेळी देण्यात आली.

सेंट्रल प्रेस जर्नलिस्ट असोसिएशन हि एक राष्ट्रीय संघटना असून संपूर्ण भारतात या संघटनेबाबत जागरूकता करून पत्रकारांच्या समस्या जाणून घेण्याचा तसेच त्यांना संघटीत करण्याचा मानस असल्याचे संदिप कसालकर यांनी म्हटले आहे. त्याचप्रमाणे लवकरच महाराष्ट्रातील पदाधिकाऱ्यांची पुनर्रचना करण्यात येणार असून फक्त प्रिंट तसेच इलेक्ट्रॉनिक मीडियामधीलच पत्रकारांचा या संघटनेत सहभाग असेल असेही विधान राष्ट्रीय अध्यक्षांनी यावेळी केले आहे. सोबत केंद्रीय पत्रकार संघटनेच्या नावाने काही बनावट संघटना या महाराष्ट्रात कार्यरत असून, पत्रकारांनी अश्या संघटनांपासून सावधान रहावे तसेच अश्या संघटनांविषयी कोणत्याही प्रकारची माहिती मिळाल्यास तात्काळ संपर्क करावे, त्यांच्यावर तात्काळ कारवाई करण्यात येईल असे ‘केंद्रीय पत्रकार संघ’ (CPJA) च्या लीगल सेल विभागातर्फे तर्फे सांगण्यात आले आहे.

संपादक: मोईन सय्यद / प्रतिनिधी: अवधुत सावंत

‘भारत जोडो’ यात्रेला चांगला प्रतिसाद मिळत असताना राहुल गांधी यांनी स्वातंत्र्यवीर सावरकर यांच्याबद्दल अनावश्यक वक्तव्य केले आहे, त्यामुळे महाविकास आघाडीचे अस्तित्व धोक्यात येईल अशी शक्यता खासदार संजय राऊत यांनी व्यक्त केली आहे.

स्वातंत्र्यवीर सावरकर यांच्याबद्दल आम्हाला आदर आहे आणि त्यांच्या बद्दल केलेल्या वक्तव्यावरून आम्ही त्यांच्याशी सहमत नाही असे उध्दव ठाकरे यांनी स्पष्ट केले आहे, मात्र भाजपा यावरून राजकारण करीत आहे असेही संजय राऊत यांनी म्हटले आहे.